Закотысь адӟытон

26-тӥ толсуре «Туалет Музейын» выль адӟытон усьтӥськиз. Со Энвиль Касимовлэн «Рукотворное» нимын проектэз.
Проектэ пыро ассамбляж амалэн лэсьтэм ог кызь пала суредъёс. Ваньмыз ужъёс дунтэм китай ӵушконъёслэсь кылдытэмын. Адӟытонэз радъясьёслэн верамзыя, таӵе ӵушконъёс кемалась нокинэ уг шумпотто ни – арысь аре вузкаронниосын соослэн лыдзы будэ ке но, яркыт буелъёссы но начар ӟечлыксы басьяськисьёслы уг кельшо. Зэмлыко суредам пӧйшуръёс но нокинэ уг паймыто ни. 
Озьы ке но, Энвиль Касимовлэн киосаз та кулэтэм арбериослэн чеберлыксы выльысь улӟиз. Суредась ӵушконъёс шоры воксё мукет синмын учкыса, выль суред кылдытӥз. Ужъёсын аспӧртэмлыко фонэз. Кык буёл висъяське векчи гожен, кудӥз интыен-интыен кырыжа но суредасьлэсь учконзэ возьматэ. Со ик вужмем чеберлы выль шокчон сётэ. 
Адӟытон 4 толэзь пала кыстӥськоз. Со дыр ӵоже адӟытонэз радъясьёс отын ик кӧня ке ужрад ортчытыны малпало. Нош али котькудӥз пырась-потась аслыз синпелет магнитъёс басьтыны быгатэ ини.

Энвиль Касмов. "Рукотворное"
Энвиль Касмов. "Рукотворное"
Энвиль Касмов. "Рукотворное"

Адрес: К. Маркса ульча, 244 а (Шор площадь)
Ужан дырыз: пн-пт 10:00-19:00, сб-вс — 11:00-18:00
Пелепон: (3412) 43-25-70, 43-33-68
Пырон дуныз: 10 манет

Туспуктӥз Алексей Краснов

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын