"Жон-Жон" этнофутуризм фестивальлэн емышъёсыз

13-тӥ толшоре 18:00 часын «Грифон» арт-центрын Дауртон-выронъя но видеоартъя III-тӥ калыккуспо «Жон-Жон» этнофутуризм фестивальлэн ужъёсыныз адӟытон ортчоз. 

2-10-тӥ толшоре Эстониысь, Суомиысь, Мордовиысь, Татарстанысь но Удмуртиысь суредасьёс Якшур-Бӧдья ёросысь Мукши гуртын улӥзы но гурт калык пӧлын видеоартэн но дауртон-выронэн тунсыкъяськонэз вӧлмытыны тыршизы. Пӧлазы асьмелы тодмо Кучыран Юри, Жон-Жон Сандыр, Ксения Ворончихина но Йорги Гири. 

Фестивальлэн валтӥсь малпанэз — йӧскалык мифология вылын нимазмурт мифологиез кылдытон. Соин ик суредасьёс улосвыл мифъёсын тодматскизы, кылсярысь, Кион гопен, Алангасаръёс сярысь мадёсъёсын. Нимазмурт мифъёс кылдытонъязы фестивале пыриськисьёс ужазы со арбериосын, кудъёссэ толалтэ шедьтыны луонлык вань. 

«Грифон» арт-центрын фестиваль дыръя кылдытэм Этнофутуризм дауртон-выронъя театр выль мифологиез кылдытон но азинтон сярысь мультимеди ужъёссэ возьматоз

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын