ӞАРДОН АЗЬЫН (ПЕРЕД РАССВЕТОМ / BEFORE SUNRISE)

11-тӥ тулыспал, вордӥськон, 20:30, к\т Дружба

США, 1995-тӥ ар, 101 минут
кинопуктӥсь: Ричард Линклэйтер
шудӥсь муртъёс: Этан Хоук, Жюли Дельпи

Огез тужгес но аспӧртэмлыкоез американ фильм. Со туж висъяське яратон сярысь голливуд романтик киноослэсь. Киноын номыр но уг луы, кык егит адямиослэн пумиськемзы сяна. Американ пи, кудӥз мынэ Венае, отысен аслобетэ пуксьыса Америкае вуон понна. Француз ныл, кудӥз дыртэ Париже, отысь Сорбоннын студентка луон понна. Соос пумисько поездын но, вагон-ресторанын вераськемзы бере, малпало васькыны Венаын, кытын туртто ӵош ортчытыны одӥг ӝытсэс но уйзэс. Ӟардонозь соос ӵош луозы. Улон, яратон, воштӥськонъёс сярысь вераськонъёссы кинолэн дӥнез луэ. 9 ар ортчыса, соос нош ик пумисько - трилогилэн кыкетӥ "Ӟардон азьын" люкетаз (2004-тӥ ар). Нош алигес 2013-тӥ арын потӥз куинетӥ люкетэз, шудӥсь муртъёс 20 ар ортчыса но ӧз воштӥське. Но ваньмыз та кутскиз ни кемалась, 1995-тӥ арын уй Венаын... 

Берлинысь калыккуспо кинофестиваль, Германия, 1995-тӥ ар: тужгес усто кинопуктон понна дунъет. 

MTV Movie Awards премилы номинация, США, 1995-тӥ ар: "Тужгес усто чупаськон" номинация. 

Англи кылын, ӟуч субтитръёсын. 

Билетлэн дуныз: 150 манет.
http://vk.com/event49413617

 

 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын