Немец кылын кино

20-28-тӥ тулыспалэ "Дружба" киновозьматонниын Немец кинофестиваль ортчоз. Котькуд ӝыт немец кылын но ӟуч субтитръёсын кино учкыны луоз. 


Туэ но Немец фестивалез Ижкар киноклуб но Гёте нимо немец лулчеберетъя центр радъяло. 
Возьматоно киноос Ижкар киноклублэн куратореныз Андрей Смирновен быръемын. 


Вакчияк тодматӥськом возьматоно киноосын. Но тодады вайытӥськом: кино возьматон нуналэ билетлэн дуныз – 150 манет, солэсь азьпал – 100 манет. 

 

 

20-тӥ тулыспалэ, 20:30 часын
БЕСКОНЕЧНАЯ НОЧЬ / DIE ENDLOSE NACHT
ФРГ, 1963, 82 минут
Кинопуктӥсь: Вилль Тремпер
Шудӥсь муртъёс: Карин Хюбнер, Харальд Ляйпниц, Ханнелоре Эльснер но мк.
Сьӧд-тӧдьы ретро фильм. Бус понна 6 муртлы уйзэс аэропортын ортчытоно луэ... 

 


21-тӥ тулыспалэ, 20:30 часын
ЖИЗНЬ КАК СТРОЙПЛОЩАДКА / LEBEN IST EINE BAUSTELLE
Германия, 1997, 101 минут
Кинопуктӥсь: Вольфганг Беккер
Шудӥсь муртъёс: Юрген Фогель, Кристиана Пауль, Рикки Томлинсон но мк.
Ян Небельлэн улоназ ваньмыз урод. Со мырдэм но кызьы ассэ улыны косэ. Умой, та вакытэ со вӧзын Вера тодмоез но Бадди ӵош ужась эшез вань шуыса…

 

22-тӥ тулыспалэ, 20:30 часын
В ЗИМНЕЙ СПЯЧКЕ / WINTERSCHLÄFER
Германия, 1997, 124 минут
Кинопуктӥсь: Том Тыквер
Шудӥсь муртъёс: Ульрих Маттес, Хайно Ферх, Флориана Даниэль, Мари-Лу Селлем но мк.
Пичи нылашлэн кӧшкемыт кулонэз герӟа куинь тодмотэм муртъёсты. Та дырысен кутско валантэм учыръёс. 

 

23-тӥ тулыспалэ, 20:30 часын
НЕПРИКАСАЕМАЯ / DIE UNBERÜHRBARE
Германия, 2000, 110 минут
Кинопуктӥсь: Оскар Рёлер
Шудӥсь муртъёс: Ханнелоре Эльснер, Вадим Гловна, Йасмин Табатабай но мк.
56 аресказ Ханна Фландрес анай но, ныл но, кышно но ӧз луы. Малы со сӥзиз быдэс улонзэ? Мар понна сокем бадӟым дун сётӥз? 

 

 

24-тӥ тулыспалэ, 20:30 часын
РЕКВИЕМ / REQUIEM
Германия, 2006, 93 минут
Кинопуктӥсь: Ханс-Кристиан Шмид
Шудӥсь муртъёс: Сандра Хюллер, Бургхарт Клаусснер, Имоген Когге но мк.
Оскись семьяын чалмыт атаеныз но сюлэмтэм анаеныз 21 аресъем Михаэле улэ. Михаэле эпилепсиен висе ке но, университетэ дышетскыны пыре. Татын со выль эшъёс шедьтэ но семьяезлэсь палэнске. Пумен висёнэз кужмоя но кужмоя…

 


25-тӥ тулыспалэ, 20:30 часын
ЙЕЛЛА / YELLA
Германия, 2007, 86 минут
Кинопуктӥсь: Кристиан Петцольд
Шудӥсь муртъёс: Нина Хосс, Девид Штрисов, Хиннерк Шонеманн но мк.
Выль уж но выль улон понна Йелла кошке вордскем карысьтыз. Пӧртэм шуг-секытъёс пыр потыса, со бадӟым бизнесэ сюре. Возьмамтэ шорысь выль улоназ куштэм картэз кылдэ… 

 

26-тӥ тулыспалэ, 20:30 часын
НЕМЕЦ АНИМАЦИЯ: 1909-2006-тӥ аръёсысь реклама но крезьгуро видео 
Германия, 1909, 120 минут
Программае 49 вакчи фильм пыре. 

 

27-тӥ тулыспалэ, 20:30 часын
ОСТАНОВКА НА ПЕРЕГОНЕ / HALT AUF FREIER STRECKE
Германия, 2011-тӥ ар, 100 минут
Кинопуктӥсь: Андреас Дрезен
Шудӥсь муртъёс: Штеффи Конерт, Милан Пешель, Отто Мелис но мк.
Эмъясь зэмзэ вераз. Дыр ӧвӧл ни. Воргорон кельтэ кышнозэ, пиналъёссэ, анай-атайзэ, эшъёссэ, бускельёссэ, толло яратонзэ – ваньзэс, кин вал солэн улоназ. Табере котькуд нунал – со люкиськон…

 


28-тӥ тулыспалэ, 20:30 часын
ПОД СНЕГОМ / UNTER SCHNEE (документальной)
2011-тӥ ар, 108 минут
Кинопуктӥсь: Ульрика Оттингер
Немец кышномурт-кинопуктӥсен лэсьтэм чебер фильм.

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын