Лев Вахитовлэн киноосыз

3-тӥ южтолэзе 19:10 часын "Дружба" киновозьматонниын Лев Вахитовлэсь кинооссэ возьматозы.  Кино возьматонэз Ижкар киноклуб радъя. 

Лев Вахитов - МГИКын но ГИТИСын дышетскем ижкар кинопуктӥсь. Йылпумъяз АНО "ИНТЕРНЬЮС" "Реальное время" документалистикая школаез. 2005-тӥ арын Сан-Франциско карын "INPUT" теледокументалистъёслэн конгрессазы пыриськиз. "Солнечный зайчик. Художник Менсадык Гарипов" фильм-портретэз понна "ТЭФИ-регион" премиен пусъемын. 

Али Лев Вахитов Ханты-Мансийскын ужа. 

Лев Вахитовлэн тужгес усто ужъёсыз: 

- суредась, график, архитектор Касим Галиханов сярысь "Небесные линии" фильмез;

- кылбурчи Лидия Нянькина сярысь "Небо, кошка и стихи" фильмез;

- "Странник. Художник Сергей Орлов" фильмез;

- "Солнечный зайчик. Художник Менсадык Гарипов" фильмез.  

 

3-тӥ южтолэзе киновозьматонниын адӟыны луоз Лев Вахитовлэсь суредасьёс сярысь трилогизэ но Урал тыметъёс сярысь фильмзэ. Вакчияк возьматоно фильмъёс сярысь: 

"Солнечный зайчик. Художник Менсадык гарипов"

Ижкар, 2004-тӥ ар, 22 минут 

Тодмо удмурт суредасьлэн Менсадык Гариповлэн (1948-1998) фильм-портретэз. 

"ХХ век. Странник. Художник Сергей Орлов" 

Ижкар, 2000-тӥ ар, 17 минут 

Туала ижкар суредасьлэн Сергей Орловлэн фильм-портретэз. 

"Время художника" 

Ханты-Мансийск, 2001-тӥ ар, 12 минут 

Ханты суредась Анатолий Гришкин улӥз Тугияны гуртын. Ханты-Мансийскын ортчем нырысетӥ адӟытонэз бере со кошкиз улонысь. Солы 38 арес вал. Теледокументалист Лев Вахитов нырысьсэ адӟиз солэсь ужъёссэ туспуктэмъёс вылысь но юзыр-кезьыр луиз. Со бӧрсьы суредась сярысь фильм пуктыны малпаз... 

"Полярный Урал. Горные озёра" 

Ямал, 2013-тӥ ар, 14 минут 

Ямал инкуазь сярысь пичи но туж чебер кино.  

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын