Венгер кинофестиваль

20-24-тӥ южтолэзе "Дружба" киновозьматонниын Венгер кинофестиваль ортчоз. Киноос венгер кылын но ӟуч субтитръёсын мынозы.

Фестивалез радъяло Мускоысь мадьяр лулчеберетъя центр но Ижкар киноклуб. 

Вакчияк тодматӥськом возьматоно киноосын. Но тодады вайытӥськом: кино возьматон нуналэ билетлэн дуныз – 150 манет, солэсь азьпал – 100 манет. 

20-тӥ южтолэзе, 20:20 часын
АГЛАЯ / AGLAJA
Венгрия-Румыния-Польша, 2012, 110 минут
Кинопуктӥсь: Кристина Деак
Шудӥсь муртъёс: Эстер Оноди, Бабетт Явор, Пирошка Мога, Жолт Богдан но мк. 

Венгер-румын семья пегӟе Румыниысь. Асьсэдыз сюдон понна соослы циркын ужано луэ. Котькуд нунал Аглая кышка анаез понна, кудӥз улонлы кышкыт номеръёсты быдэстэ. Огпол Аглаялы анайзэ воштоно луоз...

21-тӥ южтолэзе, 20:20 часын
БОЖЕСТВЕННАЯ СМЕНА/ ISTENI MŰSZAK
Венгрия, 2013, 101 минут
Кинопуктӥсь: Марк Боджар
Шудӥсь муртъёс: Андраш Этвеш, Роланд Раба, Тамаш Керестеш, Шандор Жотер но мк.

Венгрие вуэм босний солдат "скорое" ужаны интыяське но ӝоген эвтаназиен герӟаськем бизнесэ сюре...

22-тӥ южтолэзе, 20:20 часын 
ПАЛ АДРИЕНН / PÁL ADRIENN

Венгрия-Франци​я-Австрия-Нидерланды, 2010, 136 минут 
Кинопуктӥсь: Агнеш Кочиш
Шудӥсь муртъёс: Ева Габор, Иштван Знаменак, Акош Хорват, Лия Покорнь но мк. 

Пирошка - кӧй эмсузэр, кудӥзлы кремен пирожное сяна номыр кулэ ӧвӧл. Со кулӥсь песяйёслэн отделениязы ужа, со вӧзын котьку кулон берга. Огпол Пирошка пичи дырысьтыз эшсэ утчаны потэ... 

23-тӥ южтолэзе, 20:20 часын
ОТЕЦ / APA

Венгрия, 1966, 85 минут
Кинопуктӥсь: Иштван Сабо
Шудӥсь муртъёс: Андраш Балинт, Миклош Габор, Даниэль Эрдеи, Кати Шойом но мк.

Валтӥсь геройлэн тросгес потэ тодэмез атаез сярысь, кудӥз егит дыръяз ожын быриз. 

 

24-тӥ южтолэзе, 20:20 часын 
ВЕНГЕРСКАЯ РАПСОДИЯ / MAGYAR RAPSZÓDIA
Венгрия, 1979, 103 минут
Кинопуктӥсь: Миклош Янчо
Шудӥсь муртъёс: Дьёрдь Черхальми, Лайош Балажович, Удо Кир но мк. 

Иштван но Габор Жаданий агайёс оже вормон понна кошко. Кузь но секыт ожын калыклэн ожмаськемез уг поты. Ожгарчиослэн бунтсы дыръя Иштван котькуд дасэтӥзэ ыбыны косэ. Быдӟым империя люкиське, нош революция агайёсты выльысь ожмаськыны ӧте. Иштван улон сюресэз сярысь малпаськыны кутске... 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын