АРТ квадрат. Кино

27-28-тӥ куартолэзе "Дружба" киновозьматонниын "АРТ квадрат. Кино" фестиваль ортчоз.

"АРТ квадрат. Кино" - видеосуредасьёслэн вожвылъяськонзы но вакчи кинооссэс бадӟым экран вылын возьматыны луонлыксы. Тужгес устоосыз киноос пӧртэм кузьымъёсын пусъемын луозы. Валтӥсь кузьым - 10 сюрс манет. Кыкетӥез - "Селигер" лагерьлэн артсменаяз сюрыны луонлык. 

"АРТ квадрат. Кино" Ижкарын куинетӥзэ ортчоз ни. Туэ фестивальын Удмуртиысь, Пермысь но Кировысь видеосуредасьёслэн кинооссы возьматэмын луозы. Оглом 40 кино. Фестивалез радъя Ижкар киноклуб.

Фестивале асьме тодмо удмурт видеосуредасьёсмы но пырисько. Соос пӧлын Женя Бикузин, Денис Корнилов, Ксюша Ворончихина, Никита Ильин, озьы ик удмурт ним кутэм Жон-Жон Сандыр. 

Тодады вайытӥськом, Денис Корнилов "Геракл" киноеныз туэ ортчем "Киновузын" нырысетӥ инты басьтӥз. Та кинозэ туннэ фестивальын адӟыны луоз.

27-тӥ куартолэзе киноучкон 18:00 часын кутскоз, нош 28-тӥе - 19:30 часын.

Пыронэз дунтэк. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын