"Пузкар": кин ӧз на адӟы?

Туэ 27-тӥ тулыспалэ "Пузкар" фильмлэн премьераез "Роликс" киновозьматонниын ортчиз. 10 толэзь ортчыса, 27-тӥ толсуре та кино вотэсын потӥз. Кин та киноез ӧз на адӟы, дэмласьком учкыны! 
 

Вакчияк фильм сярысь: 

"Пузкар" - удмурт-поляк Inwis kinopottonni-лэн кыкетӥез фильмез. Со бордын ужан 2012-тӥ арын кутскиз но 1,5 ар кыстӥськиз. Кинолэн продюссерез - Петыр Палган, операторез - Рафал Челек, куарая операторез - Пшемек Дзенгел. Ваньзы ик соос Польшаысь. Кинолы сценарий тодмо удмурт журналист, гожъяськись Дарали Лели гожтӥз. "Пузкар" фильмлэн кык кинопуктӥсез - со Удмурт театрысь артистъёс Сергей Наговицын но Константин Ложкин.  

Кинолэн пуштросэз: 

Пияшъёс сярысь кино. Одӥг карын, одӥг коркан соос куинь кузя улоно луо. Учкись пӧлысьтызы аслыз кельшисьсэ ачиз бырйыны быгатэ. Гаян дуннеез ас синмыныз адӟемын, Саша — ноутбукысь, Стёпа — телевизорысь. Стёпа улэмын гуртын, Саша — Ижкарын, Гаян — шоркарын. Гаянлы сюлэмызъя визьмо нылъёс, Саша синмаське гольтресъёсызлы, Стёпалы кельшо тракторъёс. Гаян малпа удмуртлыкез ӝутыны, Саша — ассэ, нош Стёпа... Стёпа ӝутэ колхозэз!

Егитъёслы но егитъёс сярысь кино уг луы яратонтэк. «Пузкар» но геройёссэ синмаськытӥз, яратытӥз, кытӥяз чупаськытӥз но. Удмурт нылъёс но пӧртэмесь: рос-прос Даша, шаплы Арина но востэм Таня.

Ваньзэсты герӟа, огазея огыр-бугыр улӥсь кар...
 

Вератэк кельтэммы уг луы, «Пузкар» фильмез эстон, ӟуч, каталан, испан, субтитръёсын учкыны луэ. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын