Брангуртын пуктэм кинолы дунъет

Ижысь кинопуктӥсь Никита Сморкалов Пичи Пурга ёросын Брангуртын лэсьтэм киноеныз Автор кинолэн калыккуспо эрико вотэс-фестиваляз 25 лауреатъёс пӧлы пыриз.

Ижысь кинопуктӥсь Никита Сморкалов Автор кинолэн калыккуспо эрико вотэс-фестиваляз 25 лауреатъёс пӧлы пыриз. Та вожвылъяськонэ егит кинопуктӥсь Пичи Пурга ёросын Брангуртын пуктэм кык минутъем «Ли Бо. Песнь о восходе и заходе солнца» ужзэ ыстӥз вал. 

«Ли Бо. Песнь о восходе и заходе солнца» видеокылбурын быгатыса огазеямын китай кылбур, удмурт кыл но удмурт улостус. Шудӥсь муртъёс вылын Зоя Лебедевалэн дэремъёсыз. 
 


«Та киноез ми куинь нунал куспын лэсьтӥм, — шуэ кинопуктӥсь. — Дас адямилэсь кылдытэм киногруппамы утчаз хаосэз но ӝыкылыкез, пуктылӥз шунды ӝужанэз но пуксёнэз, шуръёсты, шайвылъёсты но бусы вылтӥ уясь пилемъёсты. Ужмылэн кыкетӥ нуналаз огъя композиция пӧрмиз». 

Азьлогес та кино «Город в котором можно» красноярск видеофестивальын кыкетӥ инты басьтӥз, озьы ик «Пятая нога» петыркар фестивальын нимысьтыз жюриен пусъемын вал. 

 

Туспуктэмъёс татысь басьтэмын. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын