"Ӟенелик-2" шудон party

22-тӥ толшоре "Резеденция" клубын "Ӟенелик-2" нимын позыръяськон ортчоз

Позыръяськонын тодмо удмурт кизилиос Алёна Тимерханова, Николай Анисимов, Иван Котельников, Ольга Ипатова, Денис Чирков, Электроники djs, dj Мурӝол, Таня, Лиля но Олеся ( Washkala go go), Alnashi Brosers djs кырӟам-эктэм но крезьгур пуктылэм сяна, планшетъёслы но пелепонъёслы алигес лэсьтэм «Ӟенелик» шудонэн шудыса утчалозы. Ваньмыз туж капчи: Петя Пушкин бергатоз пелепонысь суредам ӟенеликез, нош косонъёсты, кудъёссэ ӟенелик котькуд бергатэм бере сётылоз, быдэстозы артистъёс. Табере сак кариське! Со косонъёсты яке льӧль малпанъёстэс тӥ асьтэос али ик малпаны но удмурт кылын гожтыса та shshudm@gmail.ru почтае келяны кулэ. 

Кылсярысь, та дырлы вань ни одӥг косон: 
«Адӟысал, кин кинэ армреслингын лэсьтысал: Петя Пушкин Коля Анисимовез яке Коля Петяез». 

Пырон дуныз: 200 манет. Пелепонады «Ӟенелик» шудонэз пуктыса лыктӥды ке, 50 манетлы ичигес тыроды. 

«Ӟенелик» шудон сярысь тросгес татын

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын