ВАЛЕРИЙ ШЕРГИН "Колбаса / Фрагменты"

26-тӥ но 27-тӥ коньывуонэ 18:00 часын Туала драматургияя но режиссурая центрын Валерий Шергинлэн "Колбаса / Фрагменты" (16+)  пьесаезъя спектакль возьматэмын луоз. 

Спектаклез пуктӥз Павел Зорин. Шудӥсь муртъёс - Les Partisans театрысь артистъёс.  

 Валерий Шергин - Сарапулысь егит гожъяськись. Солэн дунне валанэз, гожъян кылыз, со дуннеез, кудзэ со возьматэ пьесаосаз, туж аспӧртэмлыкоесь. Со ачиз но туж аспӧртэмлыко. Сыӵе луэмзэ тросэз герӟало интыосын, кытын со будэмын. Но со дыре ик Шергин туала егит муртъёс кадь малпаське.

"Колбаса / Фрагменты" пьесаез юнме озьы уг нимаськы. Со бичамын пӧртэм фрагментъёслэсь... Соин ик ӵемысь валаны уг луы, мар вал азьло, нош мар луиз берло. Пумаз гинэ ваньмыз интыяз пуксе. 

Пьесалэн шорсюлмыз - Усть-Сарапулка гуртысь семья - секыт адями кусыпъёслэсь бугор. 

Адямиос яратонэз утчаса уло но уг шедьто сое. Нош сое, мае шедьто но яратон кожало, со огшоры сӥльтырем (яке колбаса), кудӥз гуртын тужгес но ческыт сиёнэн лыдъяське. Солэсь ческыт номыр ӧвӧл. 

Озьы ик пьесаын Борька нимо парсь вань. Сое сюдо-вордо, берло вандыса сӥльтырем лэсьтон понна. Сыӵе огшоры образ кадь: тани парсь, ваньзы сое ярато, собере вандо. Но пьесаын со бадӟым инты басьтэ. 

 

Пьесаез трагедия шуыны луэ, со капчи кылын (тросэз сое удмурт гурт кыл нимало) гожтэмын ке но, отын трос серемез ке но. Татын ик "вотяк" кылэз тышкаськыса кутон учыръёс сюро. Вотякъёслэн кылдэмзы сярысь легенда но пумиське. 

 

Туала драматургияя но режиссурая центр интыяськемын Филармонилэн 3-тӥ этажаз (Пушкин урам, 245). 

Пырон дуныз: дунтэк но азьло гожтӥськемъя (жингыртоно та номеръя + 8 909 053 77 39 яке гожтоно та адресэ  glebpavloid@gmail.com нимдэс, мынон нуналдэс, кӧня кузя луоды, но асьтэлэсь пелепон номердэс, собере витёно гожтэмзэс). 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын