Тристан но Изольда

17-тӥ тулыспалэ 18:30 часын Ижкар Музейын 1998-тӥ арын "Иднакар" театрен пуктэм "Тристан и Изольда" спектакльлэн видеовозьматонэз ортчоз


Алексей Ложкин Тристанэз шудэ.

Спектакльлэн видеовозьматонэз сяна, учкисьёсты шудӥсь муртъёсын но спектакль бордын ужасьёсын пумиськон вите. Спектакльысь куд-ог кырӟанъёсты ӝыт куспын быдэстозы Надежда Уткина но Игорь Шкляев. 


Удмурт Изольдаез Ольга Александрова шудэ.

Спектакль сярысь режиссёр-пуктӥсь Ольга Александрова: 
«Ваньзэ, мае тӥ адӟоды туннэ театрысьтымы, со эксперимент. Та спектакль кельт мифологиысь Тристанлэн но Изольдалэн яратонзы сярысь мадёс вылэ пыкиськыса пуктэмын. Авторлэн но пуктӥсьлэн валтӥсь малпанзы — со кык быдӟым лулчеберетъёсты — кельт но удмурт — ваче пуктон, соин ик сюжетлэсь ог люкетсэ ми выжтӥськом вашкала Арск музъем вылэ, кытын азьло удмуртъёс улӥзы. 
Нырысетӥ действилэн сюжетэз, кудӥз вашкала Корнуэльсаын но Ирландиын ортче, ӵапак озьы ик кыкетӥ действиын Арск музъем вылын ортче». 

Ар талэсь азьло Ольга Александровалэсь ачиз сярысь мадемзэ ми татчы гожтыса кельтӥм вал.   
 

Туспуктэмъёс татысь басьтэмын. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын