«Кечол ӝытъёс» Брангуртэ ширтозы

«Кечол ӝытъёс» промо-группаен нош ик ужрад радъяське. 8 южтолэзе Нылкышно нуналлы сӥзем шулдыръяськон  Брангурт лулчеберет юртын ортчоз. Та дырозь позыръяськонъёс но концертъёс Кечол клубын гинэ ортчылӥзы.

Удмуртъёслэн вашкалы дырысен вань гуртысь гуртэ ветлыны сямзы. Дыр вуиз «Кечол ӝытъёслы» но Брангуртэ вуылыны, эшъяськыны егитъёсын, капчи мылкыд кузьманы.
Нылмуртъёс понна тужгес но тодмо но яратоно кырӟанъёссэс быдэстозы удмурт эстрадаысь синмаськымонэсь егит  пиос  Иван Белослудцев но Уллапала Бой!

«Кечол ӝытъёс» промо-группалэн ужрадъёсаз пыриськем кизилиос верало:

Ulla Palla boy:
Туж шумпотто гуртъёсысь кичӧлтонъёс, кылсярысь «Кечол ӝытъёс». Туала удмурт лулчеберетын солэн емышъёсыз вуо ни. Та проект Кечол палъёсты  ӟеч азинтон амал, реклама но юрттэт.

Алина Антонова:
Таӵе ужрадъёс котькытын но  туж кулэ. Мон юнме уг вераськы, аслам но  со уже пыриськеме вань. Мылкыд капчи луэ:  калык понна концерт радъяське, позыръяськонын удмурт крезьгур чузъяське.Таин валче гуртысь калык но тодматске туала удмурт крезьгур дуннеен, кырӟасьёсын, ялкаре.

Чумолё Олёш:
«Кечол Ӝытъеслэн» ужзы туж пайдалыко ортче. Ортчытэм ужрадъёс гурт калык пӧлын лулчеберетэз ӝуто, егит артистъёслы асьсэзыс адӟытыны луонлык сёто. Валтӥсез промо-группалэн вормонэз – егитъёс пӧлы удмуртлыкез гажан пыӵатон, сое вӧлмытон. Котькуд ёросын тазьы тыршысалзы  ке, гуртысь егитъёс шаплыгес, устогес  луысалзы.

Маша Золотарева

 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын