Светӥ Ручкина: "Та концерт понна мон кыли Иже"

17-тӥ толсуре Удмурт театрын Silent Woo Goore группалэн но Удмурт Элькунысь симфони кун оркестрлэн огъя концертсы ортчоз.  

 

Группа но оркестр быдэстозы SWG-лэн «Toleze» альбомысьтыз кырӟанъёсты. Оркестрлы партитураос кылдытон бордын ужало крезьгурчи но аранжировщик Игорь Шалагин, композитор Юрий Толкач, дирижер но "Золотая мелодия" оркестрлэн кивалтӥсез Лев Накаряков. 

"Ваньмон дырлы" SWG группаысь кырӟась Светӥ Ручкина шуиз: 
"Та концерт понна мон кыли Иже. Симфони оркестрен огъя концерт ортчытыны луонлык котьку ик уг сюры, нош мон понна со туж тунсыко. Быгатом меда ми азямы пуктэм куронъёсты быдэстыны? 
Мон Удмуртиысь кошкысал ке, одно ик Суомие но ӧвӧл, мукет интые, уг тодӥськы, мар луысал. SWG-лэн кырӟасез воштӥськысал, дыр. Нош группамылы туэ 5 ар тырме!" 

Концертэ билетъёслэн дунзы - 200-400 манет. Билетъёс вузасько: 
- Удмурт театрын; 
- Филармониын; 
- "Грифон" арт-центрын; 
- "Дружба" киновозьматонниын; 
- "Хочу билет" кассаосын; 
- Take Your Time кафеын; 
- "Перепечкин" кафеын; 
– «Элвис», «Тадж Махал» лавкаосын;
– DveGolovi студиосын («Талисман», «Петровский»). 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын