Мария Галеевалэн творческой ӝытэз

2-тӥ толсуре «Грифон» арт-центрын Мария Галеевалэн творческой ӝытэз ортчоз. Та ӝытын #zemos_udmurt_veme акция улсын лэсьтэм удмурт мультсериаллэн нырысетӥ сериез возьматэмын луоз. 

Мария Галеева - кылбурчи, журналист, удмурт филолог, дышетӥсь но егит анай. Асьмелы со удмурт хитъёсъя тодмо луыны кулэ. Кылсярысь, Иван Белослудцевлэн кыкез берпуметӥ кырӟанъёсыз -"Лушкем дунне" но "Вӧлъялом бурдъёсмес" - Мария Галеевалэн кылъёсызъя гожтэмын. 

Та ӝытэ чузъяськозы Мария Галеевалэн кылбуръёсызъя гожтэм кырӟанъёс. Соосты быдэстозы: Анатолий Эркишев, Катя Камали, Иван Белослудцев, Алена Тимерханова, Любовь Быкова, Никита Ильин, Ландина Веретенникова. Нимысьтыз ӧтем куноос: Peace Pu, Денис Чирков.

Аслэсьтыз кылбуръёссэ лыдӟоз удмурт блогер Елизавета Inzhelka Шихова. 

Ужрадэ озьы ик пыриське Non-Stop Dance Studio. 

Со сяна, та ӝытэ НЫРЫСЬСЭ! 
#zemos_udmurt_veme 
"Удмурт калык выжыкылъёс" мультсериаллэсь нырысетӥ серизэ учкон! 

Билетлэн дуныз: 100 манет, нылпиослы - 50 манет.
Вань бичам коньдон #zemos_udmurt_veme акция улсын удмурт мультсериал лэсьтонэ мыноз. 

Тросгес татын

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын