"Шудон корка": крезен тодматскон

29-тӥ шуркынмонэ (ӵуказе) 11:00 часын «Ижкар Музейын» нылпиослы «Шудон корка» ортчоз. 

Ужрадэз нуоз крезьчи Вероника Фёдорова. Со мадёз крезьгур-выжыкыллэн, крезьлэн но узьы-гумылэн кылдэмез сярысь. Озьы ик нылпиослы пыж-крезен но бадӟым крезен шудыны луонлык сётоз. (Соин ик нылпиослэн арлыдзы 3+ луыны кулэ. Но пичиоссэгес но нокин уллясь уз луы.)
Со сяна, Вероника возьматоз «финн крезез» — кантелеез.
Ужрад удмурт кылын ортчоз. Малпаськом, со туж усто луонлык нылпиослы но, анай-атайёслы но крезен матысьгес тодматскыны. 
Пыронлэн дуныз: 50 манет. 
«Ижкар Музей» Генераллэн юртаз  (Горький нимо садын) интыяськемын. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын