"Жон-Жон": куинетӥ пол

2—10-тӥ толшоре Якшур-Бӧдья ёросысь Мукши гуртын дауртон-выронъя но видеоартъя III-тӥ калыккуспо "Жон-Жон" этнофутуризм фестиваль ортчоз.   

Фестивальлэн валтӥсь малпанэз — видеартэз но дауртон-выронэз вӧлмытон но вӧлмытӥсьёсты шараян. Удмуртиысь видеартэн вырисьёс пӧлысь фестивале пырисько Кучыран Юри, Жон-Жон Сандыр, Йорги Гири но Ксения Ворончихина. Озьы ик фестивале вуозы мукет кунъёсысь но каръёсысь куноос. Кылсярысь, Саранскысь тросэзлы тодмо «Морденс» арт-фолк группа вуоз.

Мукшиын котькудӥз фестивале пыриськись суредаськись кык видеоарт кылдытыны кулэ луоз. Огез вакчи — 1-2 минутъем, мукетыз — 5-10 минутъем. Та ужъёс пӧлысь огез финн-угор, тюрк, славян калыкъёсын герӟаськемын луыны кулэ. 

Фестиваль суредасьёслэн ужъёсынызы адӟытонэн йылпумъяськоз. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын