Вакчияк: 12-тӥ толшор

"Ваньмон дыр" шутэтскон нуналъёс бере ужаны кутскиз гинэ, шӧдӥз ни - таиз арня удмурт но эстон кылбур ужрадъёсын тырмемын. Озьы ик кутскыны кулэ, дыр, 2015-тӥ ар - Литературалэн арез. Озьыен, вакчияк тодматӥськом та ужрадъёсын. 
 

POETRY SLAM 

13-тӥ толшоре Алнашысь «Ялыке» кафеын Poetry Slam ортчоз. Алнашысь кылбурчиос 5 сюрс манет понна вожвылъяськозы. Та ужрад сярысь тросгес татын.  

 

ШАРА ЛЫДӞОНЪЁС 

14-тӥ толшоре 15:00 часын Некрасов нимо лыдӟонюртын удмурт но эстон кылбурчиосын пумиськон ортчоз. Чузъяськозы удмурт но эстон кылбуръёс, мытэмын луозы туала поэзия сярысь вераськонъёс.  

Ӧтем куноос — Эстониысь тодмо кылбурчиос — Триин Соометс, Яан Малин, Роомет Якапи но удмурт кылбурчи, берыктӥсь Муш Нади. 

Ужрадэз радъяло Удмуртиысь гожъяськисьёслэн огазеяськонзы но егитъёслы «Инвожо» журнал. 


 

ЭСТОН КЫЛБУРЪЁС НО ЙОГА  

15-тӥ толшоре та ик эстон кылбурчиосын — Триин Соометсэн, Яан Малинэн, Роомет Якапиен — «Мумы дор» кунокоркан шуныт пумиськон ортчоз. Эстон кылын кылбуръёсты кылзэм сяна, лыктэмъёс йогая мастер-классэз ортчыны быгатозы. Сое эстон кылын Триин Соометс нуоз, нош удмурт кылэ Муш Нади берыктоз. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын