Выль Ар сюсьтыл

Сюсьтыл - Выль ар уе огез тужгес кутӥськисез арбери. "Ваньмон дыр"-лэн сюсьтылъёсыз Толэзь пусъя лэсьтэмын. 
Нош сюсьтыл вӧзы одно вуттоно пичи тэркы, со тылпу потонлэсь утёз.
Кызьы сое лэсьтоно: пияла тэркы вылэ суредалом удмурт пужы.
Со понна кулэ луоз: пиялая акрил контур, акрил краскаос, кисточкаос, спонжъёс, акрил лак, маркер но кӧня ке чидан. 

Маркерен пияла вылэ быръем пужы суредаськом. 

 


Суредеэз дуръёстӥз акрил контурен буяськом. Час пала куасьмемзэ возьмаськом. 


Буяськом пуш люкетъёссэ. Краскады умойгес мед пуксёз шуыса, быгатӥськоды сое ПВА клеен сураны. Краскады урод пуксе ке, куасьмытозяз сое ӵушылыны быгатӥськоды но выльысь буяны. 



Нырысь куасьтӥськом дорын, собере ӝыны час пӧсь гурын (80 градус улын). Буяськом акрил лакен. 



Шумпотӥськом пӧрмытэм ужмылы но азьланьтӥськом Выль арлы дасяськонмес!

Таӵе пичи тэркы лэсьтыны дырды ӧвӧл ке, нош сюсьтылдэс нокытчы пуктыны, соку быгатоды басьтыны ми дорысь ( 8-906-818-74-42). 
Озьы ик ми дорысь басьтыны быгатоды горд но тӧдьы пичи сюсьтылъёсты. Соос кузьымлы но тупалозы. Шумпоттэ асьтэдыз но матысь адямиостэс! 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын