Кылосбур

Егит кылбурчиосын но веросчиосын тодматскон.

Лиля Юртаева

Лиля Юртаева

Мон вордӥськи Кияса ёросысь Калашур гуртын. 13 аресысен Татарстанысь Менделеевск ёросысь Тэремшур гуртын улӥсько ни. Дышетскисько УдГУ-ысь удмурт кылосбуръя факультетын. Нырысетӥ кылбуръёсы яратон сярысь вал, собере кутски гожъяны улон сярысь, зэмлык но пыраклык сярысь.

Лыдӟыны

Дарья Шиляева

Дарья Шиляева

Мон вордӥськи Ижкарын 28 коньывуонэ 1998 арын. Нырысетӥзэ кылбураны кутски 4-тӥ классын, дыр. Со вал яратоно анае сярысь ӟуч кылын кылбур. Али шуак уг но тодӥськы, кытысь сое шедьтыны на. Нош удмурт кылбуръёсы кылдылыны кутскизы соку, куке мон удмурт сямен малпаськыны кутски.

Лыдӟыны

Анна Ханова

Анна Ханова

Вордӥськи Башкортостанын, Татышлы ёросысь Бальзюга гуртын 16 южтолэзе 1996 арын. Али дышетскисько дизайнерлы Чайковский карысь Индустриальной колледжын. Гожъяськыны кутски 6-тӥ классысен. Чуръёс лыкто мон доры бер уйин изён азьын. Мае нокинлы но уг луы вераны,со ик кыле кагаз вылэ.

Лыдӟыны

Мария Игонина

Мария Игонина

Мон вордӥськи Алнаш ёросысь Улын Сырьез гуртын 27 куартолэзе 1993-тӥ арын. Али дышетскисько Алабгоысь ЕФ К(П)ФУын физико-математической факультетын. Нырысь чуръёсме гожтӥ 2009-тӥ арын гужем зоро куазь дыръя. Соку эшъёсылы сӥзьыса гожъяй, нош али тросгес яратон сярысь но мукет темаос сярысь. Кылбур чуръёс ӵемгес йырам лыкто яке изён азям, яке иземысь султэм берам, яке огшоры карын калтыртукум. Малпанам вань кылбур бичет поттыны, но со сярысь бергес.

Лыдӟыны

Ксюша Евсеева

Ксюша Евсеева

Вордӥськи Яр ёросысь Никольское черкогуртын 22 тулыспалэ 1994 арын. 13 аресысен дышетскон тетрадьёсам но блокнотъёсам кутскизы поталляны чуръёс - со дырлы аспӧртэмлыко но валантэм маке. Аръёс ортчыса гинэ кутски валаны мур малпанзэс. 2011-тӥ арын потӥз «То, вечное» кылбур бичетэ. 20 аресам, малпасько, вордӥськоз кыкетӥез йӧно но мур малпанъем «пиналэ». Кызьы лыкто чуръёс? Асьсэос тылобурдоос кадь лыкто йырам. Нош мон кагаз вылэ соосты поттӥсько. Куд-ог дыръя гожтэмелэн малпанэз куинь пол лыдӟыса гинэ рос-прос валамон луэ. Кылбуръёсам малпанъёсы улон но солэн тунсыко «вайёсыз» сярысь.

Лыдӟыны

Бурдина Анна

Бурдина Анна

Улӥсько Алнаш ёросысь Усо(Муважи) гуртын, нош дышетскисько Усо шор ёзо школаын 10-тӥ классын. Гожъясько кылбуръёс но веросъёс. Валтӥсь темае: улон но солы дунъет. Мынам музае – со ульчаын шудӥсь, бызьылись пичиос. Гожъяськисько 5-тӥ классысен.

Лыдӟыны

Наташа Клабукова

Наташа Клабукова

Мон вордӥськи Грак ёросысь Вылӥ Эгра гуртын 5 куартолэзе 1992 арын. Кылбурасько 5-тӥ классысен. Ӟуч кылын гожтэмъёссэ ӵем поттазы ёрос газетамы. Нырысь гожъясько вал тылобурдоос, инкуазь сярысь. Табере мукет малпанъёс ни, соин чуръёс но мургес. Яратон ваньмызлэсь золгес бурдъя монэ гожъяськыны. Мар пушкам улэ, уг лу ваньзылы вераме, со ик потэ кагаз вылэ. Гожъям бере кӧня ке капчигес луэ. Кылбуръёсы пуш дуннеме возьмато, озьы ик данъяло вордскем удмурт палъёсме но яратоно анай кылме.

Лыдӟыны

Берпуметӥ комментариос:

система комментирования CACKLE

Ваньмон Дыр Инстаграмын