Ар-Сергилэн вормонэз

Удмурт гожъяськись Вячеслав Ар-Серги вакчи веросъёслы «Сестра таланта» вожвылъяськонын кыкетӥ инты басьтӥз. 

«Сестра таланта» вожвылъяськон туэ куинетӥзэ ортчиз ни. Радъязы сое «Лицей» вотэс-журнал, Карел гожъяськисьёслэн огазеяськонзы но Егит карел гожъяськисьёслэн огазеяськонзы. 

Оглом ӵошатсконэ 181 верос ыстэмын вал. Пӧлысьтызы 10-эз гинэ шорт-листэ сюризы. Жюри — Новая Пушкинская нимо премилэн лауреатэз Дмитрий Новиков, Валентин Распутин нимо премилэн лауреатэз Ирина Мамаева, Егит карел гожъяськисьёслэн огазеяськонзылэн кивалтӥсез Яна Жемойтелите — соку ик висъязы Вячеслав Ар-Сергилэсь но Евгений Зиминлэсь веросъёссэс. Собере кема бырйизы, кинлы таос пӧлысь нырысетӥ интыез сётыны. 

Вормисе потӥз Костромаысь Евгений Зиминлэн «Ангел» веросэз. Нош Вячеслав Ар-Сергилы «Нить» веросэз понна кыкетӥ инты сётэмын вал. Озьы ик Ар-Сергилэн веросэз вотэсын куара сётонын вормисе потӥз. Куинетӥ инты Петрозаводскысь Сергей Пупышевлэн «Метаморфозы» веросэз басьтӥз. 

Вормисьёс данъян кагазъёсын но коньдон кузьымъёсын пусъемын. 

«Нить» веросэз татысь лыдӟыны быгатӥськоды. Нош шорт-листэ сюрем веросъёсты татысь шедьтоды.  

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын