Пусъёс

Выль арня - выль иворъёс: "Вамыш" лагерьлэн огез емышез; Гриша Григорьевлэн удмурт букваосын герӟаськем выль ужез; эстон кылбурчиосын пумиськонъёс бере кылем туспуктэмъёс но видеокылбуръёс.

«Тӥляд иворъёсты бордысен кытын ке ӵашетон потэ ке, мон соку гинэ со арбериез-а, ужрадэз-а адӟисько. Акыльтэ, куке ваньмыз туж шыпыт мынэ. Кылсярысь, «Удмурт блогиня-2014» вожвылъяськон вылэ мыным дунне вал, таре синъёсы усьтӥськизы. Удмурт концертъёслэн анонсъёссы шоры но мон сыӵе меӵ синмын ноку ӧй учкылы...» — шуизы милемлы.

Толон Генераллэн юртаз туала удмурт прозалы но магической реализмлы сӥзем "Палэс" ӝыт ортчиз.

Монэ будэтӥзы но узырмытӥзы дуно Пуро гуртэлэн ульчаосыз, улӥсьёсыз, инкуазезлэн аспӧртэмлыкъёсыз. Соин ик нырысетӥ кылбуръёсы сӥземын вордӥськем палъёсыным герӟаськем ужпумъёслы.

Толон "Грифон" галереяын ортчизы "Герд не Обама" кылбур лыдӟонъёс. Радъяз та ужрадэз "ИнГОж" газет но "Ваньмон дыр". Асэнызы но кылбуръёсынызы тодматӥзы удмурт ӝужась кылбурчиос.