Аспӧртэмлыко чеберайёс

Вань сыӵе нылъёс, кудъёсызлэн туж аспӧртэмлыко вылтуссы, но озьы ке но, соосты чеберайёсын лыдъяло. 

Туала улонын нылашез зэмос чебераен мед лыдъялозы шуыса, солы кулэ вань кутэм стандартъёсъя тупаны. Кылсярысь, мугорыз 90-60-90 мед луоз но тӥни. Но куд-ог нылъёс кутэм куронъёс вылэ сялӟо, калык соосты озьы но чеберен лыдъя. Малы?

Лили Коул

Та тодмо британ манекенщица понна дизайнеръёс котьку вожмасько. Угось солэн туж тунсыко «инопланетян» ымнырыз. Тодмо луэмез бере, со кӧня ке дырлы шутэтскыны потӥз искусстволэсь историзэ Кембридж университетын дышетон понна. Соку ик «Воображариум доктора Парнаса» киноын шудӥз. 

Девон Аоки

Американ модельлэн пушказ сураськемын япон, англи но немец виръёс. Солэн ӝуждалаез – 165 см гинэ. Озьы ке но, Девон Аоки модель бизнесэ сюриз но кык киноын шудыны вуиз ни. 

Кристина Риччи 

Толэзьлы укшась ымнырыз но бадӟым синъёсыз паймытӥзы Голливудэз. Солы шумпотыса дэмлало кино рольёсты, кылсярысь, сыӵе аспӧртэмлыко вылтусыз понна сое «Сонная лощина» триллере кутӥзы. 

Рене Зеллвегер

Голливудэз синматон понна кулэ бадӟым синъёс но чиед мугор. Но Рене сотэк но котьку чеберен лыдъяськиз. Бриджит Джонсэз шудыкуз, солы куайыны косӥзы, нош собере берен начармыны. Пӧртэм дыръёсы солэн туганъёсыз пӧлын вал Джим Керри, Джек Уайт, Дэмиен Райс, Джордж Клуни но Брэдли Купер. Нылашлэн куаемез пиосты ӧз кышкаты. 

 

Грейс Джонс

Сое туспуктылӥз Энди Уорхол, али солы тупаны тыршо Рианна но Леди Гага. Ямайкаысь кырӟась но актриса тодмо луиз аслаз андрогинной вылтусыныз но гомосексуальной имидженыз, кудӥз юрттӥз солы 17 кинофильмын шудыны. 

 

Наталья Водянова 

Россиысь тужгес тодмо модель дунне подиумъёсты зуркатӥз 2000-тӥ аръёсы. Солэн модельной бизнесэ сюременыз герӟало «аспӧртэмлыко» ымныръёслы мода кутскемез но Клаудия Шиффер, Синди Кроуфорд выллем чеберайёслы мода быремез. Наташалэн бадӟым синъёсыз, зӧк ымдуръёсыз но чатырес нырыз луизы зэмос beauty-тренд. Тунсыко соиз но, Водянова эрзя луэ.

 

Твигги 

Аспӧтэмлыко чеберайёслэн королевазы! 1960-тӥ аръёсы тодмо луэм модель модае пыртӥз укыр чиед луэмез, пилы укшанэз, вакчи йырсиез но укыр бадӟым синъёсты. Соин валче вань нылъёс понна адӟем карымон луиз.

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын