Кузебай Гердлы 115 ар

 14-тӥ толшоре Йӧскалык музейын Кузебай Гердлэн вордскем дырысеныз 115 ар тырмемлы сӥзем ужрад ортчиз.

Нырысь калык Гердлы синпельмет дорын люкаськиз. Удмурт кыл чузъяськемъя, ӝуатскизы сюсьтылъёс, синпельмет вӧзы бичаськизы сяськаос. Нош музейын дано кылбурчиез, тодосчиез буре вайыса, ӟуч кылын ӝыт мынӥз. Вераськизы тодмо литературоведъёс - Александр Шкляев, Василий Ванюшев, Светлана Арекеева но мукет. Удмурт кыл татын кылӥськиз ик, куке Кузебай Герд нимо гимназиысь пиналъёс кылбуръёс лыдӟизы. Озьы ик ӝуатэмын вал Гердэн быдэстэм калык кырӟан.
Малы ужрад мынӥз ӟуч кылын? Со сярысь куриллям асьсэос ӝытэз радъясьёс. Озьы соос удмурт кылбурчи сярысь удмурт кылэз тодӥсьтэмъёслы вераны тыршиллям. Но Гердэз тодӥсьтэмъёс та ӝытэ лыктэмын но ӧй вал. Удмуртъёс понна радъям ужрад нош ик ортчиз ӟуч кылын...
Та нуналэ ик музейын адӟытон усьтӥськиз. Татын дано кылбурчилэн улонэз но ужъёсыз сярысь материалъёс возьматэмын. Озьы ик татысь адӟыны луэ Гердэн люкам этнографической арбериосты но туспуктэмъёсты, кудъёссэ со 1920-тӥ аръёс экспедициосы потакуз бичам. Тунсыко ке, быгатӥськоды учкыны ветлыны.

Туспуктӥз Кати Сысоева

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын