Удмурт Instagram

Instagram - айфонъёслы, айпадъёслы но андроидъёслы туала эрико пелепонватсэт. Со пыр эшъёсты чебермам ньыль сэрго туспуктэмъёсын но видеосын тодматыны луэ. 
Инстаграм 2010-тӥ арын кылдӥз но соку ик хипстеръёслэн эшсылы пӧрмиз, кудъёсыз ӵужалэс но кесяськем дуръёсын туспуктэмъёсты ярато. 
2012-тӥ арын Марк Цукерберг (Facebook-ез кылдытӥсь американ программист) 1 миллиард долларен инстаграмез басьтӥз но со вылын бадӟым барыш поттыны ӧз быгаты. 
2010-тӥ арын инстаграмын 1 миллион адями пукиз ни, 2011-тӥ арын - 5 миллион мурт. 2012-тӥ арын адямиослэн лыдзы 30 миллионозь будӥз, нош 2013-тӥ арын, тулыспалэ - 100 миллионозь вуиз. 
"Ваньмон дыр" пыраз инстаграме но утчаз удмуртъёсты но удмурт шӧмо туспуктэмъёсты. Озьыен, тодматӥськом куд-огеныз туала удмуртъёсын но соослэн инстаграмъёсынызы. 

Наташа Романова яке http://instagram.com/natiburdo 
Лыдӟисьёсыз: 225 адями 
Егит удмурт анайлэн инстаграмысьтыз Италмас но Айно нылъёсызлэсь будэмзэс адӟыны луэ. Озьы ик синме йӧтэ семьялэн валаса туала дӥсяськемез. 

Саша Бикузин яке http://instagram.com/bikuzin  
Лыдӟисьёсыз: 43 адями 
"Мынам Удмуртие" телерадиокомпаниын ужасьлэн инстаграмез "МУ"-лэн ужан нуналъёсыныз но бордазы серемес гожъямъёсыныз тырмемын. Татын ик Бикузинлэн "Лизаграм" валатонэныз тодматскыны луэ.  

Дарали Лели яке http://instagram.com/daralileli/ 
Лыдӟисьёсыз: 130 адями 
Тодмо удмурт блогер интыяз кема пукыны уг чида. Я Парижын, я Эстониын, я Миланын, я Венгриын. Даралилэн инстаграмысьтыз кунгож сьӧр туспуктэмъёсты, удмурт модалиосты шедьтыны луэ. 

Светӥ Ручкина яке http://instagram.com/nulochek/ 
Лыдӟисьёсыз: 44 адями 
Silent Woo Goore группаын кырӟасьлэн инстаграмез фанатъёсызлы тунсыко луоз. Вылӥ качествоен туспуктэмъёсын ачиз чебер Светӥ, семьяез, эшъёсыз, Суомиын улон вакытэз. 

Саша Егоров яке http://instagram.com/biksanplus 
Лыдӟисьёсыз: 133 адями 
Огшоры арбериосысь но Саша мае ке аспӧртэмлыкозэ адӟе. Сое ик туспуктэ но инстаграмаз чеберма. Тунсыко пӧрме. 



Таос сяна, инстаграмын вань на мукетъёсыз удмуртъёс. Тани кинэ "Ваньмон дыр" шедьтӥз на: 

Ирина Зангарик яке http://instagram.com/zangarik/
Марина Широбокова яке http://instagram.com/marishirobokova25
Надя Николаева
яке http://instagram.com/nadiudm
Маша Векшина яке http://instagram.com/vmaraiko
Настя Соломенникова (Чушъялова) яке http://instagram.com/a_solominka/
Марина Попова яке http://instagram.com/maricha_popova/ 
Люба Борисова яке http://instagram.com/kizili 
Дима Иванов яке http://instagram.com/fromudmurtia 
Виталий Пронин яке http://instagram.com/pronin_cc/ 
Вячеслав Пронин яке http://instagram.com/kureg_pro/
Юля Спешилова яке http://instagram.com/dirtisyula 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын