Олеся Полатова "Печоряночка-2013" луиз

7-тӥ толсуре Ненец автоном округысь Нарьян-Мар карын ортчем "Печоряночка-2013" вожвылъяськонын удмурт нылаш Олеся Полатова вормиз. 

 

Олесяен ӵош Нарьян-Маре мынӥзы Удмурт Элькунысь дано кырӟась Надежда Уткина но кубызчи, арганчи Женя Бикузин. Соос юрттӥзы нылашлы удмурт йылолъёсты возьматыны но вормыны. 

Вожвылъяськон кутскон азьын Надежда Уткина ивортӥз: "Кулисаос сьӧрын саамъёс мыным шуизы, удмуртъёс шоры синмаськыса учко шуыса, нош тросэз ӵошатсконэ пыриськись нылъёс Олесяез вормисьын адӟо. Учком ни, кинэ быръёз жюри. Но мон шӧдӥсько, та Олесялэн ӵошатсконэз. Со туж умой дасяськемын, ваньзылэсь чебер мыня, эктэ но кырӟа." 

Нош ӵошатскон йылпумъяськем бере, Н. Уткина ик Олесялэн вормемез сярысь ивор вӧлмытӥз. Милемлы со гожтӥз:

"Ми вормим! Нырысьсэ "Печоряночка" титул Ненец автоном округысь кошке! Удмуртия паймытӥз Нарьян-Марез!"

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын