"Мисс студенчества Финно-Угрии-2014"

18-тӥ южтолэзе Йошкар-Олаын III-тӥез "Мисс студенчества Финно-Угрии" калыккуспо вожвылъяськон ортчоз. Удмуртиысь отчы тодмо удмурт кырӟась Алина Антонова мыноз.  

Вожвылъяськонэ Финн-угор вылӥ дышетсконниослэн ассоциациязы пырись вузъёсысь студентъёс гинэ пыриськыны быгато. Озьыен, вожвылъяськозы Мордовиысь, Марий Элысь, Петрозаводскысь, Сыктывкарысь, Юграысь, Финляндиысь но Венгриысь устоосыз нылашъёс. 

Вожвылъяськон тямыс этапен ортчоз. Котькуд нылашлы аслаз вордскем шаереныз, йӧскалык дӥсеныз, сям-йылолъёсыныз жюриез но учкисьёсты тодматоно луоз. Озьы ик котькуд пыриськисьлэсь визьзэ сыналозы но пресс-конференциын журналистъёслэн юанъёссылы валэктон сётыны быгатэмзэ чаклалозы. 

Сёт куарадэ Алина Антонова понна! 

Вожвылъяськонэ пыриськись нылъёслэсь туспуктэмъёссэс но асьсэ сярысь вакчияк мадемзэс али ик Marimedia.ru вотэсбамысь адӟемды луэ. Татын ик 4-17-тӥ южтолэзе кельшем нылаш понна куарадэс сётыны быгатӥськоды. Тужгес трос куараос люкам нылашлы "МегаФон"-лэсь 4G Turbo смартфонзэ кузьмалозы.  

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын