Вакчияк: 6-тӥ шуркынмон

«Вакчияк» — со «Ваньмон дыр»-лэн выль рубрикаез. Котькуд нунал вакчияк ми тыршом тодматыны тӥледыз Ижкарлэн но оглом удмуртъёслэн улонысьтызы тунсыко выль иворъёсынызы. Куриськом тӥледыз но милемлы юрттӥськыны но иворъёстэс татчы келяны: info@vanmondyr.ru

 

АЙКАЙ 

Калык кырӟанъя но эктонъя удмурт кун театр «Айкай» туннэ 19:00 часын Аксионын концерт сётэ. Дыртэ, 6 билет гинэ кылемын на!

 

ВӦЛЪЯЛОМ БУРДЪЁСМЕС 

Иван Белослудцевлэн фанатъёсыз понна тужгес но ӟеч ивор. Толон егит кырӟасьлэн эшшо одӥг выль кырӟанэз потӥз. Ура! Та кыкетӥез кырӟан, кудзэ Ваня Электроникъёсын ӵош лэсьтӥз. «Вӧлъялом бурдъёсмес» кырӟанлэсь кылъёссэ тодмогес но тодмогес луись Мария Галеева гожтӥз. 

Трекез татысь 15 манетэн басьтыны луэ. 

 

ЖУЖА ШАЛАНКИЛЭН ЛЕКЦИОСЫЗ 

Удмурт кун университетын толло нуналысен мадьяр тодосчи Жужа Шаланки социолингвистикая лекциос лыдӟе. Лекциос туннэ но ӵуказе 17:30 часын 2-тӥ корпусысь 211-тӥ аудиториын ортчозы. 

 

КӦНЯ КЕ АРТ 

Сергей Орлов но Энвиль Касимов

Туннэ 19:00 часын «Галерея» адӟытон центрын Сергей Орловлэн но Энвиль Касимовлэн «ПространствоВремя. Некоторые аспекты сингулярности» адӟытонзы усьтӥськоз. Та сярысь трос вераськонэз ӧвӧл, дыр, тае адӟоно. 

 

УДМУРТ ЧУРЪЁС 

«ВКонтактеын» выль #мылкыдйӧлпыд шӧмо огин усьтӥськиз. Нимаське со «Удмурт чуръёс». Сое нуо Татарстанысь Балтаси ёросысь Шор Кушкет школаын дышетскисьёс. Оскем потэ, таиз огин сыӵе чаляк уз ышы, кызьы азьлоосыз та выллем огинъёс но бамъёс. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын