Вакчияк: 7-тӥ шуркынмон

«Вакчияк» — со «Ваньмон дыр»-лэн выль рубрикаез. Котькуд нунал вакчияк ми тыршом тодматыны тӥледыз Ижкарлэн но оглом удмуртъёслэн улонысьтызы тунсыко выль иворъёсынызы. Куриськом тӥледыз но милемлы юрттӥськыны но иворъёстэс татчы келяны: info@vanmondyr.ru 

 

ОГЫР-БУГЫР 

«Мынам Удмуртие» телеканалын выль программа потӥз. Нимаське со «Огыр-бугыр». Выль программалэн нуисьёсыз Вероника Ваулина но Егор Тополев. «Огыр-бугырез» татысь учкыны быгатӥськоды. 

 

«МУГУР» ӦТЧАСЬКЕ 

Толон керамикая «Мугур» студиын Пермь улосвылысь мастерлэн Наталья Головкиналэн «Сад, дивный сад» нимо адӟытонэз усьтӥськиз. 7-8-тӥ шуркынмонэ мылкыд карисьёс адӟытонэ вуылыны но пӧртэм мастер-классъёсы пыриськыны быгатозы. Тросгес татысь тододы. 

 

АНАЙЛЫ КУЗЬЫМ 

8-тӥ шуркынмонэ 11:00 часын Polina Kubista ӧте мылкыд карисьёсты весь лэсьтонъя мастер-классэ. Ас киыныды лэсьтэм весь — анайдылы туж усто кузьым. Анайлэн нуналыз ныр улын ни ук! Мастер-классэ сюремды потэ ке, вазиське Полиналы «ВКонтактеын» яке Facebook-ын. 

 

2 000 МАНЕТ 

«Юмшан57» промо-огин ас бамаз «ВКонтактеын» гожтӥз, «Ваньмон дыр»-лэн толонысен нуиськыны кутскем «Вакчияк» рубрикаез котькуд нунал выльдӥськиз ке, со 2 000 манетсэ милемлы жалятэк сётоз. Сюриськиз! 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын