Даралилэн дукесъёсыз

5-тӥ шуркынмонэ БВИын Fashion Night 4 ортчиз. Тодмо удмурт культуртрегер Дарали Лели та ужрадын аслэсьтыз выль коллекцизэ возьматӥз. «Ваньмон дыр» куриз Даралиез коллекциез сярысь кӧня ке вераны. 

«Коллекцилэн концептэз — туала дукесъёс. Уг поты вал модалиосты дукесэн но туфлиен поттэм. Кемалась потэ ни вал дукесъёсыз кроссовкиосын нуллэм. Кроссовки — со мугорез кыдатыку гинэ нулдон пыдкутчан ӧвӧл ук, али подиумъёсын кроссовки пӧртэм дӥсьёсын огазеямын. Со 2014-тӥ арлэн огез тодметэз. 
Коллекциме трикотаж дэремъёсын, кофтаосын но сюбег юбкаосын узырмытӥ. Дэремъёс удмурт кабъем — котькудӥзлэн удмурт сямъя чыртыез, сӧзулэз вуремын, кималиосыз вань. Блузкаос но сыӵеесь ик. Вакчиесь гинэ. 
13-тӥ толсуре финн-угор калыкъёслэн «Воршуд» фестивалязы коллекцимы узыргес луоз. Али куинь сугон (look) гинэ вань ай. 
Та коллекциез кылдытыны мылкыд Chanel fw 2014 адӟытонэз адӟыса кылдӥз. Отын нылъёс супермакетын ветло. Туж курутой видео. Кырӟанзэс но соослэсь кутӥ. Нылъёсме но со выллем буяй. Буяз Катя Осетрова. Дӥсьме вуризы Ксения Шарахмуллина но Ольга Митрофанова. Тау соослы!»

Туспуктӥз Алексей Ши

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын