Вакчияк: 10-тӥ шуркынмон

«Вакчияк» — со «Ваньмон дыр»-лэн выль рубрикаез. Котькуд нунал вакчияк ми тыршом тодматыны тӥледыз Ижкарлэн но оглом удмуртъёслэн улонысьтызы тунсыко выль иворъёсынызы. Куриськом тӥледыз но милемлы юрттӥськыны но иворъёстэс татчы келяны: info@vanmondyr.ru  

 

«ТӦЛ ТӦЛА»-лы выль кавер яке #выльвидео

 

Кӧснуналэ Туала драматурги центр кык ар тырмонзэ концертэн пусйиз. Туала удмурт кырӟась Юлия Гаврилова та концертын Павел Александровлэсь «Тӧл тӧла» кырӟанзэ ас сяменыз быдэстӥз. Тодматске кырӟанлэн выль кавереныз.

 


Туспуктӥз Александр Шкляев

 

Та концерт бере ик Юля сярысь огез учкись гожтӥз: «Юля Гаврилова — дунне вылысь тужгес но курутоез ударник. Мыным кельшиз». Вау! 

 

#ВЫЛЬКЫРӞАН 

 

«Куарагур-2» тодматэ вожвылъяськонэ пыриськись выль кырӟасьёсын но кырӟанъёсын. Толон вотэсын потӥз «10 гужем нунал» группаын кырӟасьлэн Влада Митрофановалэн выль кырӟанэз. «Тон дышетод монэ» кырӟанлэсь кылъёссэ но, крезьгурзэ но ачиз Влада гожтӥз. 

 

«МОН ТОДАМ ВАИСЬКО» 

Кӧснуналэ Филармониын «Мон тодам ваисько» концерт ортчиз. Со сӥземын вал тодмо удмурт композиторъёслы Герман Корепановлы но Геннадий Корепанов-Камскийлы. Инстаграмысь ми шедьтӥм концерт сярысь малпанъёсты, кудъёссэ гожтӥзы со удмурт азьветлӥсьёс, кудъёсыз нокызьы но асьсэлы блог усьтыны уг валало ни. 

Лукерья Шихова: «Курутой концерт! Мыным туж кельшиз. Ӧй но малпасал, сокем кельшоз шуыса. Концертэз радъясьёс паймытӥзы!» 
Светӥ Ручкина: «Концертын пукыку сыӵе потӥз «Наталь» операез учкеме (кызьы мон валай, сое 2011 арын возьматъязы). «Италмас» балетэз но учкысал! Мон малпамъя, соос кулэ луыны Операя но балетъя театрлэн репертуараз но вить арлы огпол ке но учкисьёсты шумпоттыны». 
Алексей Шкляев: «Мӧйыос пӧлысь удмурт интеллигенция туж ӧжыт вал». 

 

POLINA KUBISTA STUDIO


Туспуктӥз Григорий Степанов
 

Polina Kubista Studio табере вань «ВКонтактеын». Чебер туспуктэмъёс шоры учкыса, модельёс кадь дӥсяськем но, буяськем но потыны кутске. Хм, нош мар люкетэ? Выль арлы кузьым лэсьтоно, лэся. 

 

DARALI-лэн ДУКЕСЪЁСЫЗ 


Туспуктӥз Алексей Ши #совафото 
 

5-тӥ шуркынмонэ БВИын Fashion Night 4 ортчиз. Тодмо удмурт культуртрегер Дарали Лели татын аслэсьтыз эшшо огзэ коллекцизэ возьматӥз (коллекциысь дукесъёсты Дарали Лавкаысь, кудӥз «Сахар» арт-интыын интыяськемын, басьтыны луэ). Выль коллекция сярысь тросгес татысь лыдӟе. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын