Вакчияк: 11-тӥ шуркынмон

Бур ӵукнаен, эшъёс! Азьланьтӥськом «Вакчияк» рубрикамес но тодматӥськом толло нуналысь туннэе выжем выль иворъёсын. Вакчияк. 

 

«СУПЕР УДМУРТЫ»: выль клипе пырисьтэм кадръёс

9 нунал ортчыса вотэсысь Мурӝол Underground-лэсь эшшо одӥг выль клипсэ адӟыны луоз. Выль клип «Супер удмурты» кырӟанъя пуктэмын. Сое пуктон понна «Мынам Удмуртие» телерадиокомпания курутой видеолэсьтӥсез Илья Тарасовез ӧтиз. Толон «ВКонтактеын» клиплэн бэкстейджез потӥз. 

#вылькыл
Бэкстейдж — со, мар учкисьёс доры уг вуы. Кылсярысь, со кадръёс, кудъёсыз клипе ӧз пыре. 

 

СИРЕСЪЁС by POLINA KUBISTA 

15-тӥ шуркынмонэ (кӧснуналэ) 11:00 часын Polina Kubista ӧте вань мылкыд карисьёсты асьсэ киосынызы сирес вурыны. Мастер-классэ пыриськемды потэ ке, азьпал Полиналы «ВКонтактеын» яке Facebook-ын мылкыд каремды сярысь ивортэ. Мастер-класслэн дуныз 570 манет. 

 

PEACE PU-лэн дебютэз 

Peace Pu — али гинэ кылдэм выль удмурт рок группа, кудӥз вотэсын тодмо ни «Со зарниен, со азвесен» кырӟанэнызы. Группае пыро Настя Рысаева (кырӟась, клавишаос), Влад Степанов (кырӟась, акустик гитара), Гриша Григорьев (бас-гитара), Денис Неуструев (ритм, соло гитара), Никита Петров (барабанъёс) . Арнянуналэ Peace Pu нырысьсэ сцена вылэ потӥзы. Удмурт кун университетысь Истори факультетысь дышетскисьёслэн Halloween party-язы кырӟамзы бере, вотэсын таӵе гожтэм потӥз: «Туж кельшиз, кызьы Peace Pu кырӟазы. Соос кырӟаку эшшо но пӧсь луиз!»

 

MTV Udmurtia channel табере Ютубын  

Ура! «ВКонтактеын» нуиськись MTV Udmurtia channel бамысь вашкала но туала видеоосты табере Ютубысь но учкыны луэ. Та дырлы Ютубе 7 видео куштэмын. Пӧлазы воксё пинял Лади Светӥлэн, Никита Ильинлэн клипъёссы, озьы ик Amiso Wott группалэн репетициысьтыз видео но мукет. 

 

#ВЫЛЬВИДЕО 

Выль видеоын тодмо удмурт кырӟасьлэн Иван Григорьевыхлэн Тимофей пиез атаезлэсь «Кырӟа, гитара» кырӟанзэ быдэстэ. Видео кӧснуналэ ортчем «Мылысь-кыдысь» концертын лэсьтэмын. 
Тодмо удмурт блогеръёс Маша Золотарёва но Лиза Шихова «ВКонтактеын» вачевераськоназы гожтӥзы, Тимофей Григорьевых понна гинэ вуоно удмурт патие мынысалзы шуыса. Угось 20-тӥ шуркынмонэ «Резиденциын» туж тупась нимын «Кырӟа, гитара, вера» пати ортчоз.  

 

«ЧИПЧИРГАН» кошкиз Вильнюсэ 

12-16-тӥ шуркынмонэ Литвалэн шоркараз «Покровские колокола» фестиваль ортчоз. Удмуртиысь та фестивале «Чипчирган» ансамбль мынӥз. 
Возьмаськом Тани Тихоновалэн инстаграмысьтыз туспуктэм-иворъёсты. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын