Вакчияк: 12-тӥ шуркынмон

Бур ӵукнаен, гажано лыдӟисьёсмы! Вакчияк ӵуказе ужрадъёс сярысь. Ваньмаз вутскыны дыр шедьтэ! 

 

DART party 

13-тӥ шуркынмонэ 20:00 часын Редукторын кыкетӥез Dart party ортчоз. Ужрадэз радъяло «Удмурт дунне» газетлэн Dart приложениез но Дарали Лавка. 
Лыктэмъёсты возьма тула егит кырӟасьёслэн концертсы (тросэз кырӟасьёс — «Выль куара» но «Куарагур» проектъёсын ӝужам кизилиос), удмурт клип учкон, серемтусъёсын адӟытон, кылбур сэрег, арган шудэм улсын эктон но позыръяськон. 
Оломар но! Тросгес татын.  

 

«ТЭ-ТЭ» этнофутурист симпозиумлэн емышъёсыз

13-тӥ шуркынмонэ 18:00 часын «Известия УР» газетлэн галереяз «Тэ-тэ» этнофутурист симпозиумлэн емышъёсыныз адӟытон усьтӥськоз. Та симпозиум гужем Кияса ёросысь Уддяди гуртын ортчиз. Удмуртиысь, Комиысь, Марий Элысь, Татарстанысь, Башкортостанысь, Суомиысь, Эстониысь, Пензаысь 25 суредаськисьёс симпозиум ӵоже суредаськизы, тунсыко арбериос малпазы. Соосты ӵуказе адӟытонэ лыктыса ас синмын адӟыны луоз.

 

«ВАТОС но ГИПНОЗ»: Удмурт театрын выль спектакль 

13-14-тӥ шуркынмонэ Удмурт театрын В.Сигаревлэн «Ватос но гипноз» пьесаезъя Павел Зоринэн пуктэм спектаклез возьматозы. 
Вакчияк спектакльлэн пуштросэз сярысь: 
Надеждалэн Борис картэз юэм йырыныз уждунзэ кытчы ватэмзэ вунэтэ. Соку кышноез доразы гипнозэн вырись муртэ вае. Гипноз ватосэз но шедьтыны юрттэ, мукет лушкем ужъёсты но шарае поттэ. Кыӵе?

 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын