Вакчияк: 14-тӥ шуркынмон

Вакчияк туннэ иворъёс сярысь. 

 

СЕМЁН ПЕРЕВОЩИКОВез буре вайыса 

Туннэ Удмурт кун университетын удмурт кылбурчиез, писателез, журналистэз Семён Перевощиковез буре ваён ужрад ортчоз. Туэ Семён Перевощиковлы 85 арес тырмысал. 
Ужрад Удмурт кун университетлэн лыдӟонюртэзлэн шаертодонъя ёзэтаз ортчоз. 
Пумиськонэ Семён Перевощиковлэн ӵош ужам эшъёсыз, ӵыжы-выжыосыз вераськозы. 
Семён Перевощиков сярысь вакчияк татысь тодыны быгатӥськоды. 

 

«ОЛАНЬ-ТАЛАНЬ» перепечъёсын куноятоз 

Петыркарысь одӥг нуналъем «Олань-Талань» кафе куинетӥзэ ни Ресторан нуналэ пыриськоз. Таязэ но «Олань-Талань» куноятоз губиен но кубистаен перепечъёсын, варенняен табанен, турын-куарэн чаен. Озьы ик кырпарсь сӥльын перепечен! Кыӵе ке деликатес! 
Петыркарын улӥсьёс удмурт сиёнэз оскалтыны быгатозы 15-тӥ шуркынмонэ «Миракл» кафеын. Тросгес татын.  

 

Ческыт «КОЛБАСА»

19-тӥ шуркынмонэ Удмурт театрын Валерий Шергинлэн «Колбаса / Фрагменты» пьесаезъя спектакль возьматэмын луоз. 
Спектаклез пуктӥз Павел Зорин. Шудӥсь муртъёс — Les Partisans театрысь артистъёс. 
Удмуртъёс понна туж тунсыко спектакль. Угось татын ӵемысь удмуртъёс сярысь кыл потэ. Одно ик ветлэ!
Кылем арын спектакле ветлэммы сярысь татысь лыдӟыны быгатӥськоды. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын