Вакчияк: 15-тӥ шуркынмон

Кин кӧснуналэ вазь ӵукна ужаз султоно луэ, соос иворъёсынымы ваньзылэсь азьпал тодматскозы.  Бур ӵукнаен, шундыен ӵош сайкасьёс!  

 

КРЕЗЬ ПУМИТАН 

15-тӥ шуркынмонэ (туннэ) 12:00 часын «Волна» клублэн мастерскояз «Крезь пумитан» ужрад ортчоз. Ужрадэз крезь лэсьтонъя мастерской радъя. 
Юанъёсъя татчы вазиськоно: 43-06-04. 

 

BERYKTON LUD: #вылькино 

14-15-тӥ толсуре Ижкарын ненец кылын но удмурт субтитръёсын «Тӧдьы ӝуй» киноез возьматозы. Киноез берыктон борды берыктӥсьёслэн Berykton Lud клубзы басьтӥське но вань мылкыд карисьёсты юрттӥськыны ӧте. 

Трейлерзэ учкеммы бере милям берыктонэ пыриськеммы потыны кутскиз. Берыктонэз радъясьёс, ойдолэ ни кутском! 

 

КОЛЯДА-ТЕАТР Ижкарын 

15-тӥ шуркынмонэ (туннэ) Туала драматургилэн но режиссуралэн центраз «Коляда-театр» Уильям Шекспирлэсь «Гамлет»-сэ возьматоз. 
Видео-адӟытон Филармонилэн куинетӥ этажаз 18:00 часын кутскоз. 

 

КУАРАГУР-2: #вылькырӟан 

«Куарагур-2» проект эшшо огеныз кырӟасен тодматэ но выль кырӟанэн шумпоттэ.
«Оскон» кырӟанэз быдэстэ Кияса ёросысь Мария Бочкарёва, кылъёсыз но крезьгурез Влад Степановлэн. 

 

Мурӝол Underground но T.-D.A.B.: #вылькырӟан 

Яке кызьы Богдан Анфиногенов но Павел Эль «Италмас» ансамбльлэсь «Ялыке» кырӟанзэ «Ялыке бит»-лы пӧрмытӥзы. Асьтэос кылзэ! 

 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын