Вакчияк: 17-тӥ шуркынмон

Вордӥськон - секыт нунал. Нош эшшо вордӥськонэ милям трос выль иворъёсмы!  

 

ВЕНГЕР КЫЛЫН лекция 

17-тӥ шуркынмонэ (туннэ) венгер дышетӥсь Жофи Сираки «Мар Венгрия дуннелы сётӥз? Тодмо венгер изобретательёс но соосын кылдытэм арбериос» лекция лыдӟоз. Лекциез кылзыны мылкыд карисьёсты 16:00 часын Удмурт кун университетысь кыкетӥ корпусысь 204-тӥ аудиториын возьмало. 
Лекцизэ Жофи венгер кылын нуоз. Венгер кылэз тодӥсьтэмъёслы ӟуч кылын презентация луоз. 

 

ОЛАНЬ-ТАЛАНЬ паймытэ 

Верам ни вал, Петыркарысь одӥг нуналъем «Олань-Талань» удмурт кафе кӧснуналэ Ресторан нуналэ пыриськыны кулэ вал шуыса. Табере кафелэн ужамез сярысь малпанъёсын тодматскыны дэмласьком. 
«ВКонтакте»-ысь шедьтӥм«Кӧня перепеч эн пӧра, ноку тырмыт уз луы. Озьы ик табаньёсын но шыдэн. Кык час куспын ваньмыз сиемын-юэмын». 
Удмурт блогерлэн Мария Туровалэн блогысьтыз: «Умой-умой учкыса но ӧм вуэ, кызьы ми доры вуизы перепеч, табань но губиен шыд ӵектыса. Басьтӥм табань, пӧртэм пуштросо перпечъёсты(губиен, кубистаен, кабан сӥльын), яблокен пирогез но пыӵы турынэн чай. Туннэ ми Маринаен валам, что удмурт сиён зэм но туж ческыт но усто шуыса! Табере ми гинэ озьы ум малпаське. Сиськыкумы вӧзамы пукиз пичи ныл анаеныз. Со сииз вареньяен табань. Солы кельшиз, сиськем бераз анаезлы вераз: "Вкусно, а ты так можешь готовить?" Анаез  мыняса шораз учкиз :). Калыкез вал трос. "Олань-Талань" вӧзын интыяськемын вал "Papa Burrito" ресторан. Отын ужа вал одӥг гинэ пияш. Мӧзмыт дыр вал солы, со доры практически нокин но ӧз ветлы. Киоссэ карманъёсаз шунтыса, учкиз шумпотӥсь, табань-перепеч сиись адямиос шоры.  Лыктӥсьёс пӧлысь тросэз юалляське, кызьы но марлэсь лэсьтэмын перепеч, мар со, кытысь? Олань-Таланьёс шумпотыса мадьылӥзы удмурт пыжиськемъёс сярысь.Туж тунско инты, туж тунсыко адямиос! Удмурт пужыос, пичи удмурт кункышэтъёс,кудъёссэ кузьмаллязы лыктӥсьёслы, удмурт пыжиськемъё - ваньмыз умой вал. Только вот удмурт крезьгуръёс уг окмо вал.  Конечно соолэн ӝуатэм вал кыӵе-ке крезьгуръёс, но мон малпамея, тунсыкогес луысал одӥг-кык удмуртсэ но ӝуатыны». 

 

#ВЫЛЬКЫРӞАН 

Влада Митрофанова но Ирина Яковлева — «10 гужем нунал» группаын кырӟасьёс —  нимаз кырӟан гожтӥзы. Кылъёсыз Мария Васильевалэн, гожтӥз Алексей Пикулев. Крезьгурез корей кырӟасьлэн Henry Lau-лэн

 

«ОГНИ БОЛЬШОГО ВУЗА» 

17-26-тӥ шуркынмонэ Удмурт кун университетын «Огни большого ВУЗа» вожвылъяськон ортчоз. Удмурт кылосбуръя факультет «Наследство» спектакленыз 24-тӥ шуркынмонэ сцена вылэ потоз. 
Тодады вайытом, кылем арын удмурт филологъёс Эдна Мазиялэн «Игры на заднем дворе» пьесаезъя спектакль пуктӥзы (со сярысь татын). Соку спектакль трос супыльтонъёсты ӝутӥз. Тунсыко, маин удмурт филологъёс туэ паймытозы? 

 

УДМУРТ КОМИКСЪЁСЫН бичет 

18-тӥ шуркынмонэ (ӵуказе) 19:00 часын «Сахар» арт-интылыкын «Удмурт комиксъёсын бичетлэн» презентациез ортчоз. Та бичет «Шундыкар-2014» лагерьлэн емышез. 
Бичетэз вузам уксё #zemos_udmurt_veme акцилы кошкоз. 
Тросгес татын

 

УДМУРТ КЫЛОСБУРЪЯ ФАКУЛЬТЕТ: берпуметӥосыз  

Удмурт кылосбуръя факультет ӝоген ворсаськоз ни ке но, туэ дышетскыны пырем студентъёс кӧснуналэ гинэ зэмос студент луон ужрадзэс ортчытӥзы. 
Эх шу, берпуметӥез нырысетӥ курс. Удмурт кылосбуръя факультетлэн историяз кылись туспуктэм. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын