Вакчияк: 18-тӥ шуркынмон

Кӧня ке ял каре но милям иворъёсынымы тодматске! 

 

#zemos_udmurt_veme-лэн нырысетӥ емышез  

#zemos_udmurt_veme акция улсын лэсьтэм «Удмурт калык выжыкылъёс» мультсериаллэн нырысетӥ сериез 2-тӥ толсуре «Грифон» арт-центрын Мария Галеевалэн творческой ӝытаз возьматэмын луоз. 
Ох, адӟем потэ ни! 

 

#ВЫЛЬВИДЕО 

Удмурт кылэз дышетэм поляк нылаш Мирела Мазур котьку но паймытэ туспуктэмъёсыныз. Тужгес но паймытэ Удмуртилэсь чеберзэ сыӵе яркыт адӟеменыз но сое учкисьлы сётыны быгатэменыз. Таязэ Мирела паймытӥз таӵе видеоен. Брангуртэ ветлэм кадь луиське, ява! 

 

Android-лы удмурт клавиатура сярысь 

Гриша ӴӦӞӤӜ Григорьев ӝожтӥське: «Кык арня талэсь азьло Android-лы тыва клавиатураез лэсьтӥ. Кык арня куспын сое 258 пол кыскизы но пелепоназы пуктӥсьёс сюризы. Нош кык ар талэсь азьло лэсьтэм удмурт клавиатураез татчыозь 218 адями гинэ пелепоназ пуктӥз. Тыва кылын 253 сюрс адями вераське, нош удмуртэн — 324 сюрс. Удмуртъёс, тӥ кытын?» 
Куректондэ Инмарлы келя, Гриша... 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын