Вакчияк: 19-тӥ шуркынмон

Умой иворъёслы пыриды ке, мелэ!

 

УДМУРТ КЫЛОСБУРЪЯ ФАКУЛЬТЕТэз утёно! 

Берло дыре туж трос вераськонъёс Удмурт кылосбуръя факультетлэн матысь дыре пытсаськемез сярысь. Куке та факультетысь ик дышетӥсьёс таӵе югдур азьын киоссэс лэзизы ни, «Удмуртлык» огинысь азьветлӥсьёс пумит луэмзэс вотэс пыр шараязы но петиция гожтӥзы. 
Гажано лыдӟисьёсмы, факультетэз утён тӥляд киосады! Эн жалялэ дырдэс, татчы зӥбе но петиция улэ гожтӥське. Тау! 

 

УДМУРТ КОМИКСЪЁСЫН БИЧЕТ: #выль 

Толон удмурт пиналъёслэн «Шунды» огазеяськонзы «Удмурт комиксъёсын бичет»-эн тодматон ӝыт ортчытӥз. Бичет «Шундыкар-2014» лагерьысь суредаськисьёслэн емышсы луэ. Татчы 8 муртлэн комиксъёссы пыризы. Соос пӧлын Таня Пудова, Наташа Сильвестрова, Олеся Малыгина, Марина Прокопьева, Софья Чузова, Саша Вахрушев, Аня Корепанова, Маша Федотова. Лагерьын пиналъёсты дышетӥз но «комиксъёсын висьыны уськытӥз» суредаськись Михаил Николаев. 
Комиксъёсын бичетэз 50 манетэн басьтыны луэ. 
 

Нош ик #zemos_udmurt_veme сярысь 

Толон Пичи Пурга ёросысь Сарсак-Омга гуртын #zemos_udmurt_veme акция улсын эшшо огез благотворительной концерт ортчиз. Концертэ Гожня, Сарсак-Омга, Иваново-Самарск, Шор Постол но мукет гуртъёсысь школаос пыриськизы. 
Та ужрад акциез 6 080 манетлы узырмытӥз. 4 780 манет концерт бичаз, нош 1 300 манетэз Дэри ёросысь Шор Постол школаысь пиналъёс люказы. 
#zemos_udmurt_veme акция азьланьтӥське. Концертъёсын эстафета Татарстанысь Сарсак-Омга школае выже. 

 

#ВЫЛЬКЫРӞАН 

Егит ӝужась кырӟасьёс Яна Пушина но Артемий Гаврилов дуэтын кырӟан гожтӥзы. Тодады вайытом, «Уг вунэты тонэ» кырӟанэныз Яна туэ «Выль куара» крезьгуро шоу-проектын 3-тӥ интые потӥз. 
Шумпотымон, «Выль куара» бере егитъёс уг ышо, асьсэдыз отын но татын возьматыны тыршо шуыса.

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын