Вакчияк: 27-тӥ шуркынмон

Туннэ милям кыӵе ке ческыт иворъёсмы. Лыдӟем бере сием потыны кутске. 

«Ялыке» 2 ар тырмонзэ пусйиз! 

Алнашысь «Ялыке» удмурт сиськон корка 25-тӥ шуркынмонэ 2 ар тырмонзэ пусйиз. Шумпотӥськом «Ялыке» понна, но кӧтӝожен тодамы вайиськом Ижкарысь «Перепечкин» кафеез... кудӥз ӧвӧл ни. 

 

«Ури-бери» ческыт! 

«Перепечкин» ӧвӧл ни ке но, Ижкарын удмурт сиён-юонэн фуршет радъяны луонлык вань ик. Виталий но Юля Шахтинъёс фуршетъёсты радъянъя «Ури-бери» нимын огин кылдытӥзы. Табере вордскем нуналзэс-а пусйисьёс, сюанзэс-а шудӥсьёс, кыӵе ке ужрад-а ортчытӥсьёс ури-бериослы удмурт кылын удмурт сиёнлы вазиськыны быгатозы. 

 

«Кухни народов Удмуртии»: удмурт 

9-тӥ толсуре 18:30 часын СТС-Ижевск каналын «Кухни народов Удмуртии» передачаын возьматозы, кызьы пӧрано перепеч. Куноын Яна Пушина но Екатерина Романова. 

 

Тодады вайытӥськом: #туннэ 

Туннэ (27-тӥ шуркынмонэ) 15:00 часын Эшъяськон юртын удмурт литературалы сӥзем «Удмуртская литература: грани актуальности» котырес ӝӧк ортчоз. Пумиськонэз Удмуртиысь гожъяськисьёслэн огазеяськонзы ортчытэ. Вераськозы Пётр Захаров но Алексей Арзамазов. 

Туннэ (27-тӥ шуркынмонэ) Филармониын Н.В.Гогольлэн «Ночь перед Рождеством» кузьмадёсэзъя опера-колядка возьматэмын луоз. Удмурт учкисьёслы Выль ар шӧм Казан кун академиысь кырӟасьёс пыӵатозы. 
Кызьы ивортэ Павел Александров (Shoner Paul), со сцена вылэ Кеч кариськыса потоз. Нош Вакула Ашальчи Окилэн кылбуръёсызъя ария быдэстоз.  

Туннэ (27-тӥ шуркынмонэ) Таллинын #zemos_udmurt_veme акция улсын благотворительной концерт ортчоз. Концертэ Николай Анисимов но Мария Корепанова пыриськозы. Люкам коньдон нырысетӥ удмурт мультсериал лэсьтонлы мыноз.  

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын