Вакчияк: 28-тӥ шуркынмон

Шумпотыса пумитаськом удмуртарняез но каньыл шокчиськом: азьпалан кык шутэтскон нунал! Выль иворъёсмес толсуре гинэ лыдӟоды ни. 

 

Кузебай Герд нимо гимназилы 20 ар!

Туннэ (27-тӥ шуркынмонэ) Кузебай Герд нимо гимназия 20 ар тырмонзэ пусъе. Ӟечкылан ужрад 17:00 часын кутскоз. 

 

«Эмезь кисьмаку»: #выль ӧвӧл

Туннэ (28-тӥ шуркынмонэ) 18:30 часын Удмурт театрын Анатолий Григорьевлэн «Эмезь кисьмаку» пьесаезъя спектакль возьматозы. Спектаклез пуктӥз В.Сафонов. 
Лымы адямиез адӟемды потэ ке, тӥледлы татчы. 

 

FUROR кутскиз!

Толон Комиын Калыккуспо FUROR форум кутскиз. Оглом форуме 120 финн-угор азьветлӥсьёс люкаськыны кулэ вал. Удмуртиысь FUROR-е куать адями мынӥз. Пӧлазы Ольга Тронина, Лена Рябина, Мария Золотарева. Берпуметӥезлэн «ВКонтакте» бамысьтыз туспуктэмъёсты но меӵак иворъёсты шедьтыны луэ.  
Форум 30-тӥ шуркынмонозь кыстӥськоз. 

 

«Мыддоринь»: маке но #выль! 

Ӵуказе (29-тӥ шуркынмонэ) 16:00 часын Аксионын «Мыддоринь» концерт ортчоз. Концертын кырӟасьёс асьсэдыз мыддорин возёзы но ог-огзылэсь кырӟанъёссэс быдэстозы. Мар талэсь пӧрмоз, асьтэос адӟоды ни. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын