Вакчияк: 1-тӥ толсур

Кин ке Выль Ар дорозь нуналъёсты лыдъя ни, нош кин ке ялан иворъёсты утча но лыдӟисьёсызлы #вакчияк соосты сётэ. 
 

Мария Галеевалэн творческой ӝытэз

Ӵуказе (2-тӥ толсуре) «Грифон» арт-центрын Мария Галеевалэн творческой ӝытэз ортчоз. Та ӝытэ чузъяськозы Мария Галеевалэн кылбуръёсызъя гожтэм кырӟанъёс. Соосты быдэстозы: Анатолий Эркишев, Катя Камали, Иван Белослудцев, Алена Тимерханова, Любовь Быкова, Никита Ильин, Ландина Веретенникова. Нимысьтыз ӧтем куноос: Peace Pu, Денис Чирков. Пумаз #zemos_udmurt_veme акция улсын лэсьтэм удмурт мультсериаллэн нырысетӥ сериез возьматэмын луоз. 


Леонид Гонинэн пумиськон

Ӵуказе (2-тӥ толсуре) 20:00 часын «Сахар» арт-интыын Леонид Гонинэн пумиськон ортчоз. Тодмо политтехнолог, «Удмурт Кенешлэн» азьветлӥсез вераськоз удмуртлык сярысь но политика сярысь. 
Пумиськонэз кырӟанъёсыныз кутскоз Иван Белослудцев. 
Пыронэз дунтэк. 

 

Акташ

Настя Сидоровалэн тани та туспуктэмез «Священные природные места» вожвылъяськонын 3-тӥ инты басьтӥз. 
Туспуктэм вылын Акташ нимо вӧсяськон инты возьматэмын. Со сярысь тросгес татын
Вормонэн ӵош нылаш 300 евро утӥз. 

 

Удмурт театрлэн толсурлы репертуарез

Удмурт театрлэн толсуре возьматоно репертуараз куинь удмурт спектакль пыремын. Кыкез соос пӧлысь выль. Толсурлэн кутсконаз нырысьсэ Алексей Ложкинэн пуктэм «Эрико яратон» спектакль возьматэмын луоз. Толсурлэн 13-тӥ числоосаз егит спектакльпуктӥсьлэсь Павел Зоринлэсь «Ватос но гипноз» спектакльзэ адӟыны луоз. Таизлэн премьераез шуркынмонэ вал ни. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын