Вакчияк: 3-тӥ толсур

Ӵемгес таӵе иворъёсын узыр нуналъёс мед луысалзы вылэм. Куддыр номыр сярысь гожтыны ик, нош мукетъят ваньзэ гожтыса но вуоно ӧвӧл. 

Дырпус виӝет 

Гриша Григорьев Андроидъёслы выль виӝет лэсьтӥз. «Дырпус виӝет» телефонлэн экраназ дырез удмурт кылын возьматэ. Выль ужез сярысь удмурт программист шуэ:

«Куке кинлэсь ке кылӥсько вал арня нунал нимъёсты но толэзь нимъёсты удмурт кылын верамзэс, паймисько вал, кыӵе кылын соос верасько? Соин ик аслым таӵе виӝет лэсьтӥ. Табере нуналъёсты но толэзьёсты удмурт сямен вераны быгатӥсько, нимъёссэс дышетӥ. Нош али тӥледлы но со виӝетэз телефонады пуктыны дэмламе потэ». 

«Дырпус виӝетэз» татысь шедьтыны но телефонады пуктыны быгатӥськоды. 

 

Удмурт веме

Мария Галеевалэн творческой ӝытаз #zemos_udmurt_veme акция 4 250 манетлы узырмиз. 

 

Удмурт политик

Толон «Сахар» арт-интыын Леонид Гонинэн пумиськон ортчиз. Удмуртлык но политика сярысь вераськыны, туспуктэм вылысь асьтэос адӟиськоды, удмурт воргоронъёс бичаськиллям. Тамында визьмо но удмуртлык понна сюлмаськись воргоронъёсты одӥг интыысь шер пумиталод. Соин ик ми абдрамын. 

 

Удмурт сюан

Юлия но Виталий Шахтинъёс «Моя большая национальная свадьба» вожвылъяськонэ пырисько. Тросгес со сярысь татын. Юлялэн но Виталийлэн та вожвылъяськонэ куинь удмурт сюан шудэм туспуктэмзы сётэмын. Соос понна куара сётыны быгатоды татын. Вормисьёслэн нимъёссы 15-тӥ толсуре тодмо луозы. Соос куинь кузя луозы. Одӥгъёссэ жюри быръёз, мукетъёсыз калыклэн куара сётэменызы бырйиськозы, нош куинетӥоссэ «ВКонтакте» пыр шедьтозы. Вормисьёслы — планшет.  

 

Выль книга 

Ӵуказе (4-тӥ толсуре) 15:00 часын Удмурт кун университетлэн лыдӟон юртаз Юрий Александровлэн "Обычное право удмуртов" книгаеныз тодматскон ортчоз. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын