Вакчияк: 6-тӥ толсур

Шутэтскон нуналъёслы пичияк удмурт афиша да мар да.   

Выль удмурт трек 

Ullapala Boy но Электроники Djs выль трек гожтӥзы. Нимаське со «Дымбыр-дамбыр». Трекез 15 манетэн татысь басьтыны луэ. 
Озьы ик туннэ «Эктоника» ивортӥз: азьланяз выль трекъёсты Google Play-ысь басьтыны но «Мынам Удмуртие» радиоысь кылзыны луоз, «ВКонтакте»-ысь выль трекъёсты шедьтыны уз лу ни. 

 

Garage Sale яке базар

Ӵуказе (6-тӥ толсуре) Генерал юртын Garage sale ортчоз. Лыктэмъёслы татын мӧзмыны уз сётэ! Концерт но, мастер-классъёс но, лекциос но, базар но — мар но уз луы! Ужрад 12:00 часысен 20:00 часозь кыстӥськоз. Сак луэ! 15:00 часын Андрей Гоголев «Воскресенье Герда» лекция лыдӟоз. 

 

Арлэн кырӟанэз 

Ӵуказе (6-тӥ толсуре) 15:00 часын Аксионын «Удмурт кырӟан-2014» концерт ортчоз. Концертысен вералозы, кыӵе кырӟан арлэн кырӟанэз луиз. Вормисез ар ӵоже «Мынам Удиуртие» радиоез кылзӥсьёс смс пыр бырйизы. 

 

#zemos_udmurt_veme Алнашын 

Ӵуказе (6-тӥ толсуре) 21:00 часын Алнашын #zemos_udmurt_veme акция улсын концерт ортчоз. Концертэз радъяло «Эктоника» но Алнашын удмурт ужрадъёсты радъяменызы тодмо луэм Дима но Юра Митрошинъёс. Кырӟалозы Алёна Тимерханова, Иван Котельников но Настя Иванова. Позыръяськонэз нуоз Петя Пушкин. 
Билетлэн дуныз 150 манет. 
Вань бичам коньдон удмурт мультсериалэз лэсьтонэ кошкоз. 

 

Удмуртилэн арез 

7-тӥ толсуре Мускоын Удмуртилэн арез усьтӥськоз. Та нуналэ Кремльын бадӟым концерт ортчоз, кудаз кырӟалозы-эктозы Удмуртиысь дано артистъёс но ансамбльёс. Соос пӧлын «Айкай» театр, «Эктон корка» студия, «Италмас» ансамбль, Вотка карысь крезен шудӥсьёслэн «Сайкан» ансамбльзы, «Брангурт песянайёс», Валентина Пудова, Надежда Уткина, Светлана Ручкина, Богдан Анфиногенов но мк. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын