Вакчияк: 10-тӥ толсур

Ӟечбуресь! Туннэ иворъёсмы таӵеесь.  


Unisong-2014: мар дасяло удмуртъёс?

Туннэ (10-тӥ толсуре) 18:00 часын Удмурт кун университетлэн Актовой залаз кырӟасьёслэн Unisong-2014 вожвылъяськонзы ортчоз. Удмурт кылосбуръя факультетысь та вожвылъяськонлэн финалаз тодмо удмурт кырӟасьёс Алина Антонова но Иван Белослудцев потӥзы, озьы ик «10 гужем нунал» группаын кырӟась Ирина Яковлева. Аслаз инстаграмаз Алина Антонова гожтэ: «Ми Ванькаен крутой кырӟан пуктӥськом, а юрттӥсьёсмы эшшо но устогес! Наговицына но Моисеев Никита!!! Вот так страсть луоз!» 


Куамын бере улон уг быр

Ӵуказе (11-тӥ толсуре) «Кристалл» клубын «ЭКТОН-КУАмын» позыръяськон ортчоз. Соос понна, кинлэн арлыдэз куамынысь потэмын. Люкам коньдон Виталий Шоркинлэн кырӟанъёсызлы ремиксъёс лэсьтыны кошкоз. Позыръяськонэз радъя Оксана Бисар. Тросгес татын

 

Та арын берпуметӥез

Нош егитъёс понна та ӝытэ ик «Резиденция» клубын «Лымы style» позыръяськон ортчоз. Соос понна, кин яратэ телевизор пыр биатлон учкыны, али гинэ вандэм парсьлэсь сӥльзэ сиыны, кырысь ӟонгыраса пырем бере «Италмасэн» чай юыны, «поръяса лымы усе» кылъёсын кырӟанэз кылзыны но... быдэс списокез татысь учке. 


Выль кырӟанъёс

«Мынам Удмуртие» телерадиокомпания выль кырӟанъёслы «Быдӟым Вормонлы сӥзисько» вожвылъяськон ялэ. Вожвылъяськонэ пыриськемды потэ ке, Атыкай музъеммес утисез, ож вакытэ улэм калыкез данъясь, шаермес гажан мылкыд пыӵатӥсь кырӟан гожтэ но таӵе адресъя келялэ: Ижкар, Песочная урам, 9-тӥ юрт яке radio@myudm.ru. 
Вожвылъяськон сярысь пыр-поч тодыны татысь быгатӥськоды. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын