Вакчияк: 11-тӥ толсур

Кыӵе ке ӟеч иворъёсын шумпоттӥсь арня! Вормонъёс, мынон-ветлонъёс, вожвылъяськонъёс... Шумпотыса гинэ вуоно кадь. 

Unisong-2014: вормисьёс 

Толон Удмурт кун университетын кырӟасьёслэн Unisong-2014 вожвылъяськонзы ортчиз. Вормисьёс пӧлын Удмурт кылосбуръя факультетын дышетскисьёс но тодмо удмурт кырӟасьёс Алина Антонова но Иван Белослудцев. Алина но Ваня ӟуч кылын «Знаешь» кырӟанэз быдэстӥзы. Кырӟам улсын эктӥзы удмурт артистъёс Надя Наговицына но Никита Моисеев. Вотэсын таӵе видео потӥз ни. 

 

Удмурт калык костюм — калыккуспо вожвылъяськонын

Суредаськись-реставратор Татьяна Москвина удмурт калык дэремъёсыныз «ЭТНО-ЭРАТО» вожвылъяськонэ пыриське. 13-тӥ толсуре дӥсез «Лучший костюм финно-угорских народов» номинациын возьматэмын луоз. Удмурт калык костюмез нырысьсэ таӵе калыккуспо вожвылъяськонысь адӟыны луонлык кылдоз. Туж ӟеч ивор!

 

Тодады вайытӥськом: #туннэ  

Туннэ 20:00 часын «Кристалл» клубын «ЭКТОН-КУАмын» позыръяськон ортчоз. Кырӟлозы-шулдыртозы Николай Анисимов, Алена Тимерханова но Иван Котельников. Люкам коньдон Виталий Шоркинлэн кырӟанъёсызлы ремиксъёс лэсьтыны кошкоз. Позыръяськонэз радъя Оксана Бисар. Тросгес татын.  


Туннэ 22:00 часын «Резиденция» клубын «Лымы style» позыръяськон ортчоз. Валтӥсь куно — Михаил Ворончихин. Нырысьсэ диджей пульт сьӧрын Алнашысь агай-вынъёс Митрошинъёс. Тросгес татын.  

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын