Вакчияк: 12-тӥ толсур

Таиз арня понна берпуметӥ иворъёсмы. Уд оске, но соос озьы ик туж куанымонэсь! Котькуд арня таӵе шумпотымон иворъёсын узыр луысал ке... Льӧль малпанъёс, льӧль малпанъёс.  
 

Удмурт кылын реклама 

Ижысь «Вкусный дом» супермаркетлэн «ВКонтактеын» бамаз удмурт кылын реклама потӥз. Удмурт кылэ выжемзэс бамез нуисьёс тазьы валэкто: «Ми яратӥськом пичи шаермес, данъяськиськом соин, солэн лулчеберетэныз, сям-йылолъёсыныз но кылыныз. Удмурт кыл — чебер кыл. Соин ик таяз толэзьысен ми мытӥськом выль рубрикамес — со удмурт кылын реклама». 

Тодады вайытӥськом, туэ гужем удмурт кылын реклама «ВКонтактеысь» фаст-фудэн вузкарись ShaurMan-лэн бамаз потаны кутскиз ни вал. 

Жаляса верано, удмурт кылын реклама та бамын кемалы ӧз ӝега. Мугез — ӟуч кылысь рекламаез удмуртэ берыктӥсьёслэн ӧвӧлтэмзы. Оскем потэ, «Вкусный дом» супермаркетлэн таӵе серемесь но кӧтэз ӝож карисесь шуг-секытъёсыз уз кылдэ. Нош удмурт кылын реклама вотэсын гинэ уз луы, супермаркетъёсы но выжоз. 
 

«Инвожо»: выль номер

«Инвожо» журналлэн выль номерез потӥз. Вылбамаз Наташа Ушакова. Нош пуштроссэ улӥысь адӟыны быгатӥськоды. Котьку сямен журналлэн ӝыныез удмурт кылын, мукетыз — ӟуч кылын. 

Дизайн ласянь чебер ик та журнал. Но удмурт кылэз отӥгес каремзы милемлы чик но уг яра. 

 

Куатетӥез «Воршуд»

12-14-тӥ толсуре Ижкарын финн-угор калыкъёслэн улосвылкуспо «Воршуд» фестивальзы ортчоз. Туэ фестиваль вашкала но туала калык костюмлы сӥземын. 
Фестивальлэсь программазэ тани татысь шедьтоды. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын