Вакчияк: 15-тӥ толсур

Бур ӵукнаен, эшъёс! Арнямес таӵе иворъёсын кутскиськом. 

 

Uri-beri.ru

Верамы ни вал, Юля но Виталий Шахтинъёс фуршетъёсты радъянъя «Ури-бери» компания усьтӥзы шуыса. Та дырозь «Ури-бери» сярысь «ВКонтактеысь» огинысь гинэ тодыны луэ ке вал, табере компанилэн вотэсбамез но кылдӥз. Вотэсбам ӟуч кылын гинэ нуиське, но татын но сюрыло одӥг-ог удмурт кылъёс но веранъёс. Шумпотымон мукетыз, «Ури-бери» удмурт сиён-юонэн ӝӧкез чеберманы дась. Кылсярысь, перепечъёсын, табаньёсын, кокрокъёсын но мукет. Тодыса, кызьы Ижкарын «перепечъёсты» пӧрало, ми куанӥськом, ури-бериос тодо, кыӵе кулэ луыны зэмос перепеч. 

 

Выль кырӟась но выль кырӟан

Вотэсын выль кырӟан потӥз. Нимаське со «Кӧня пол». Нош быдэстэ сое Юкаменскысь егит кырӟась Ольга Ипатова. Кылъёссэ но крезьгурзэ нылаш ачиз гожтӥз. Тодады вайытом, та кырӟанэныз Ольга туэ «Элькуновидение» пыриськиз. 

Тодмо удмурт кырӟась Богдан Анфиногенов Ольга Ипатова сярысь «ВКонтактеын» гожтӥз: «Аврил Лавинлэн удмурт реинкарнациез. Мыным кельше». 

 

Удмуртъёс Кремльын 

Кинлы тунсыко на, кызьы 7-тӥ толсуре Кремльын Удмуртилэсь арзэ усьтон концерт ортчиз, соос «ВКонтактеысь» «Мускоысь удмуртъёс» нимо огинысь туспуктэмъёсты но видеоосты шедьтыны быгатозы. Озьы ик видеоосты ютубысь учкыны луэ. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын