Вакчияк: 16-тӥ толсур

Туннэ иворъёсамы: Кытысь шедьтыны удмурт ӟечкылан кылъёсын открыткаосты? Мар со - "Шу-Шу ӝыт"? Трокай Борисовлы сӥзем выль книга - зэм-а? 

Трокай Борисов: выль книга

«Удмуртия» книгапоттонни «Сюлмы бӧрдэ, сюлмы кырӟа» нимо выль книга поттӥз. Со Удмурт автономиез кылдытӥсьлы, тодмо тодосчилы но кылбурчилы Трокай Борисовлы сӥземын. Книгае Трокай Борисовлэн биографиез, экспедициосын бичам кырӟанъёс, ӟуч кылысь удмуртэ берыктэм выжыкылъёс, «Изгнание шайтана у вотяков» статья пыртэмын. 

Книгалэн кыкетӥ люкетысьтыз Трокай сярысь ӵыжы-выжыосызлэсь тодэ ваёнъёссэс шедьтоды. Татын ик Т.Борисовлы сӥзем кылбуръёс, сценарийёс, эссеос люкамын. 

 

Шу-Шу ӝыт

Ӵуказе (17-тӥ толсуре) 19:00 часын Эшъяськон юртын «Шунды» огазеяськонлэн 2014-тӥ ар понна йылпумъян ӝытэз ортчоз. «Шу-Шу ӝытэ» шундыос огазеяськонлэн проектъёсаз пыриськисьёсты но пыриськисьтэмъёсты, ушъясьёсты но курласьёсты ӧтё. Та ӝытэ «Шундылэн» проектъёсыныз матэгес тодматскыны луонлык кылдоз.

Озьы ик луозы кырӟанъёс но эктонъёс. Нош перепечъёсын та ӝытэ фуршетъёсты радъясь «Ури-бери» компания куноятоз. 

 

Выль Ар матэктэ

Нош соослы, кин Выль Ар кузьымъёс утчаса жадиз ни яке ӧз на кутскы, ивортӥськом, МОНАМИослэсь удмурт ӟечкылан кылъёсын открыткаоссэс Ижкарын та интыосысь шедьтыны луэ: 

— «Сахар» арт-инты; 
— «Мугур» студия; 
— Polina Kubista studio. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын