Вакчияк: 17-тӥ толсур

Туннэ рубрикаысьтымы огез ивормы дас иворъёсты воштыны быгатоз. Сокем та ивор шӧдтэк шорысь дорамы вуиз но сокем паймытӥз но шумпоттӥз. Асьтэос лыдӟе ни ай! 

 Сюан вань!

Тужгес но шӧдтэк шорысь вуэм но шумпоттэм ивор: тодмо удмурт кырӟась Надежда Уткина французлы Жерар Ламаршлы бызиз. Кузпалъёслэн сюанзы Женеваын шуркынмон пумын ортчем ни вылэм, нош Удмуртиын сюанчиосты толон ӝыт ӟечкылазы.
Ижкарысь журналистъёс али ик серем улсын юасько ни: кылёз-а Надежда Уткина Удмуртие яке картэз сьӧры Швейцарие кошкоз? Воштоз-а Надежда Эдуардовна фамилизэ яке Уткина ик кылёз? 

 

ЭКТОН-КУАмын 2

11-тӥ толсуре Ижысь «Кристалл» клубын Оксана Бисарен радъям «ЭКТОН-КУАмын» позыръяськон сярысь верам ни вал, тодӥськоды на? Толон тодмо луиз, таӵе нимын позыръяськонъёс эшшо луозы на шуыса. Вуоноез — 15-тӥ толшоре. 
Чаклалом ни, кызьы «ЭКТОН-КУАмын» но «Юмшан57» ог-огзэс кельтыны вырозы.

 

Тодады вайытӥськом: #туннэ  

Туннэ (17-тӥ толсуре) 19:00 часын Эшъяськон юртын «Шунды» огазеяськонлэн 2014-тӥ ар понна йылпумъян ӝытэз ортчоз. «Шу-Шу ӝытэ» шундыос огазеяськонлэн проектъёсаз пыриськисьёсты но пыриськисьтэмъёсты, ушъясьёсты но курласьёсты ӧтё. Та ӝытэ «Шундылэн» проектъёсыныз матэгес тодматскыны луонлык кылдоз. 

 

Туннэ (17-тӥ толсуре) 20:00 часын БВИын Fashion Night-5 ортчоз. Мода возьматон, туспуксён, тылъёс, ымнырез буянъя но йырсиез кутонъя мастер-классъёс, «Сахар» арт-интыысь дӥсьёслы но арбериослы скидкаос — та но трос мукетыз возьма та ӝытэ модаез яратӥсьёсты но модаез чакласьёсты. Тросгес гочатӥсез татын

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын