Нылпиослы выль удмурт пелепонватсэт

Андроидъёслы выль удмурт пелепонватсэт потӥз. Ӧз, тазэ Гриша Григорьев ӧз лэсьты. Озьы ке но, ватсэт милемлы туж кельшиз. Мусо гинэ.  

Нимаське со «Песянай дорын куноын». Лэсьтэм сое М.А.Кастрен огазеяськонлэн коньдон юрттэменыз «Деловые программы» компания. 

Вакчияк пелепонватсэтлэн пуштросэз сярысь: 

Наташа нимо нылаш удмурт гуртэ песянаез доры куное лыктэ. Гуртын со вашкала удмурт дӥсен, удмурт сиён-юонэн тодматске, пудо-животъёслэсь но бакча емышъёслэсь нимъёссэс дышетэ, мунчо пыре. 

Та ватсэт егит анайёсты но пиналъёсты удмурт лулчеберетэн но удмурт кылын тодматэ. Удмурт кылъёсты пелепон экран вылысь адӟем но лыдӟем сяна, пиналъёс соосты кылыны но быгато. Соин валче удмурт вераськемез но кыло, шонер ударение пуктыны но дышетско. 
 

Ватсэтэз пелепонады пуктэмды бере, эн кышкалэ экран вылады зӥбылыны. Котькуд зӥбемды кыӵе ке куараен яке выль кылын паймытоз. Ми пичи пиналъёс кадь куаныса зӥбылӥм. 

Жаляса верано, ватсэтын шонер гожъяськонъя янгышъёс сюрыло. Но асьме удмурт программистмы Гриша Григорьев оскытӥз, матысь дыре со ватсэтэз лэсьтӥсьёсын герӟаськоз но янгышъёсты тупатон сярысь кенешоз. 

Вунэтӥськом ни вал, «Песянай дорын куноын» ватсэтэз пелепонэ татысь пуктоно. 

Тунсыко статьяос

Берпуметӥ комментариос:

система комментирования CACKLE

Ваньмон Дыр Инстаграмын